[A:383]dag pa zhus/ mdo rtsa la sogs pa chos mang du gsan/ yang chos rje zla seng pa las/ phyag chen lhan cig skyes sbyor zhus te rtogs pa khyad par can ngo 'phrod pa byung gsungs/ chos rje bsod nams rgyal mtshan pa las bde mchog bde ral la sogs pa gsan/ bla ma shes rin pa las dgra nag zhang lugs kyi dbang la sogs pa dang / yul chung ba las phyag rdor drag po gsum sbrel gyi dbang gsan no/ /rtogs pa'i yon tan ni/ lung rigs kyi sgo nas shes bya la blo gros phul du phyin cing sgro 'dogs chod pas nang ting nge 'dzin bsgom pa la mchog tu gzhol zhing / 'khor 'das dbyer med kyi lta ba rnam par dag pa rtogs te spyod lam rnam bzhi thams cad du de'i ngang las g.yo ba mi mnga' zhing / de'i ngang nas sems can thams cad la bu gcig pa lta bu'i byams pa dang / snying rje dang / byang chub kyi sems brtan pos gzhan gyi nad dang sdug bsngal cung zad len nus pa la sogs pa bdag gzhan brje ba dang / gzhan rgyud smin cing grol bar byed pa la/ rang gi gces par 'dzin pa dor nas/ gang gis 'dul ba'i thabs la mkhas pa dang / thugs dam gyi rim pa tho rangs kyi cha la bla ma'i rnal 'byor dang gsol ba 'debs pa/ rlung gi rnal 'byor/ 'khor lo sdom pa/ phag mo mkha' spyod/ 'jam dpal/ sgrol ma/ rnam rgyal la sogs pa'i thugs dam gyi lha mang po'i sgom bzlas lam 'bras kyi 'khrul 'khor la sogs pa/ nyi ma phyed yan chad gzims mal kho na ru bzhugs nas phyed mtshams mdzad/ de nas sku tshags mdzad/ 'jam dpal la sogs pa'i zhal bton dang bskor ba la sogs pa mang du mdzad/ chos ston gyi rjes la rgyun gtor gyi rim pa dang / mdo sgrub la sogs pa chos spyod kyi rim pa mdzad nas chos gsungs pa la sogs pa rnams ji skad mdzad cing / yang na gshin rje'i gshed la sogs pa dang / dges pa rdo rje la