[A:376]'ong du mi 'dod/ chos kyi bag chags shin tu che ba cig yod skad/ dgung lo brgyad pa yan chod la yab dang yum 'das/ yum shi tsa na bsreg gin 'dug pa la ma shi 'dug skyon che snyam pa cig byung / de ma gtogs da a ma ni shi/ nga rang chos la phyin pas chog snyam dga' spro byas gsungs/ bla ma bsten te dka' ba spyad tshul ni/ de nas a khu bla ma grub rgyal ba bya ba'i chos pa bzang po cig yod pas/ des khrid nas zar phyogs kyi dgon pa thar pa gling du byon/ mkhan po ba ri ba dang / slob dpon rtog ge ba nam mkha' rdo rje gnyis las rab tu byung ste/ mtshan yang blo gros brtan pa bya bar btags so/ /der lo bzhi bzhugs/ klog yig bslabs/ bya cha chos spyod kyi rim pa dang spyod 'jug la nan tan mdzad/ dgon pa de'i bla ma sgrub chen pa bya ba spyil dkar ba'i bu chen skye ba snga phyi dran pa gdul bya can cig bzhugs/ de'i sku nye ru yang 'ong pas bla ma de shin tu mnyes te/ phyag rdor gtum po'i dbang dang / ri chos skor gsum la sogs pa chos 'dra yang gsan/ dgung lo bcu gnyis pa la bo dong e ru slob dpon rtog ge ba bya ba'i phyi la tshad ma rnam nges slob tu byon pas/ e ru sleb pa'i sang mang ja cig 'dug pas gral na yar byon nas/ nyid cag gis 'di tsho na spyod 'jug 'dra shes pa bdog ge ces sher le'i gzhung cig bton nas/ 'di la sbyor ba cig bkod mdzad byas kyin yar 'cham mar 'cham mdzad pas/ la la na re gral mgo ya gi na yar bzhud zer/ gral phug cig na rgyal sras thogs med pa bzhugs pas/ 'am bu lags kyi 'di ru byon gsungs nas sgrogs gleng mdzad pas/ khong ba rgyal nas mchod yar dang zhal tshabs mang po bton pas/ grwa skor ba phu rung ma gyon pa de su gang ba cig yin nam shes rab can cig 'dug zer te thams cad ngo mtshar bar gyur nas mkhas pa'i grags pa de nyid nas thob/ g.yas g.yon nas grwa skor ba 'ongs pa rnams kyang / slob