[A:377]dpon gyi dpon po cig yod pa dang gnyis la/ bo dong nas btsun chung gnyis yod/ de gnyis la gzab dgos gzhan la 'jigs pa med zer te/ de dus kyi ston pa bzang shos su grags so/ /lo gsum gyi bar la pha ma la sogs kyis 'tsho ba skyel ba cher med pas/ spyi'i thugs tshul la brten nas dka' ba spyad de tshad ma dang mngon pa la gsan sbyong mthar phyin par mdzad do/ /bshad gsar dang rnam gzhag la sogs pa phun sum tshogs pa yang a khus bsgrubs/ dgung lo bco lnga pa la grwa skor mdzad pas mkhas pa chen po thams cad kyang bsngags pa brjod cing / 'jam dbyangs don yod rgyal mtshan pas 'di skyes bu gzhan dang mi mnyam pa'i blo gros can yin/ 'di la blo gros mtshungs med zer ba yin gsungs nas blo gros mtshungs med ces grags so/ /dgung lo bcu bdun pa/ da ni 'chad nyan la sogs pa'i bya ba yang de tsam yin/ mi tshe 'chad nyan la bskyal kyang tshad mi 'dug /nyams len bsgom pa thag chod cig bya dgos snyam nas thar pa gling du byon zla ba gcig tsam gzigs rtog 'dra mdzad cing bzhugs/ dgung lo bcu dgu pa'i dus su chos rje brag kha pa'i drung du a khus khrid nas mjal du byon pa'i dus su/ da gzod dang sgom cig byed tsa na 'di ru 'ong dgos snyam pa'i 'dun pa drag po dung dung ba skyes pas/ da brag khar sgom cig la 'gro dgos snyam yod tsa na/ 'jam dbyangs don yod pas bang chen dang gsung shog mdzad nas shog gsungs pa byung / e ru bshad pa gyis gsungs ka yin 'ong snyam byon pas gser zho gang gnang / 'di la brgyags cig bsgrubs la zhag 'ga' sa skyar sdod cig gsungs nas khong pa'i sgrogs gleng rtsi rogs byed kyin bzhugs/ da brgyags phye yang zad kyin gda'/ zhal da bdog na gnang bar zhu zhus pas/ yang gser zho gang gnang nas zhag 'ga' sdod gsungs/ de nas zhag 'ga' bsdad nas