[A:382]gzhung 'grel la sogs pa mang po gsan yang brag khar byon/ de nyid las dus kyi 'khor lo'i dbang yongs rdzogs/ sbyor drug gi khrid yongs su rdzogs pa cha lag mang po dang bcas pa/ thugs rje chen po'i dmar khrid/ ma gcig gi gcod skor/ gzer lnga bcud len dka' thub kyi skor mang po/ man ngag phran zab mo mang du zhus shing bzhugs pas/ der brag kha'i gdan sa gyis chos rje pa gsung yang yang 'byon du byung na yang ma mdzad/ bla brang du sdod cig gsungs nas thog re bzhugs/ chos rje bde bar gshegs khar khong pa bla brang mthil na bzhugs kyin yod pas/ bsnyung g.yog la sogs pa'i zhabs tog mdzad bla ma nyid kyi sku pang du chos rje sku gshegs/ sku zhang cig yod pa dang / nye gnas kun dga' dpal dang gsum gyis gshegs rdzong / gdan sa bkod pa/ nang rten phyi rten thams cad grub grub kyi bar la khong pa rang gi mthil du bzhugs nas/ chos rje'i thugs dgongs rdzogs par mdzad/ phyag rdzas gcig tu bstabs pa yin na yang mos gus kyi rten du/ dus 'khor thugs dkyil cig /rgyud 'grel la sogs pa dus 'khor gyi phyag dpe cha tshang cig /rgyan drug gcig /phyag dril gcig /na bza' gcig ma gtogs par gzhan se gcig kyang ma bzung / chos rje'i gshegs brdzongs la sogs thams cad kyi ljags gzhi grub nas/ na bza' brag phug tu byon nas/ de nyid las rgyud gsum dang / bde mchog nag dril/ gsang 'dus 'phags lugs/ 'jigs byed/ gshed dmar/ sgrol ma phyi nang / phag mo skor gsum/ zhi byed so lugs/ chos skyong che chung gi rjes gnang la sogs dang / dbang byin rlabs/ lung man ngag sgrub skor cha lag dang bcas pa ma lus pa bum pa gang byo'i tshul du zhus shing mthong ba brgyud pa'i phyag len rnams sgro skur spangs nas thugs su chud par mdzad/ yang mkhan chen bsod nams grags pa'i drung du bsnyen rdzogs kyi sdom pa rnam par