[A:429] snyam pa yod gsungs/ de dus bdag gi rtog pa la ci gsung ba yin nam/ bshang gci'i nang sus kyang g.yeng ba ni med bsam/ sang tho rangs bsam pas/ sher phyin gyi 'grel par/ dge ba'i rtsa ba 'jig rten la mngon par 'phags pa nyid kyi lus la srin bu'i rigs brgyad khri mi 'byung ba dang / dge ba'i rtsa ba rnam par dag pas sems gya gyu med pa dang / rnyed pa dang bkur sti la sogs pa la mi lta ba nyid kyis phyag dar khrod pa nyid la sogs pa sbyangs pa'i yon tan yang dag par len pa dang / sbyin pa la sogs pa'i khyad par bsgrubs pas/ de dag dang 'gal ba ser sna dang / 'chal ba'i tshul khrims la sogs pa med pa dang / chos thams cad yang dag par sdud pa nyid kyis chos nyid dang mi 'gal bar shes rab kyi pha rol tu phyin pa dang ldan par 'gro ba dang / 'gro ba bdag nyid kyir byas pa gzhan gyi don du dmyal bar 'dod pa zhes bya ba rnam pa drug dang zhes pa'i gzhung de dran pas dad pa bsam gyis mi khyab pa skyes/ sbyor lam rtse mo'i ye shes skyes par zhal gyis bzhes par go zhing thag chod do/ /tshes bcu'i nyin gdan zhugs kyi gsol 'debs dang / sku rim mang rab cig byas/ chos rje nyid kyi chag phyi ba bdag cag 'dun gyis bgyis nas/ bde mchog dril bu pa'i sgrub mchod byas/ mkha' 'gro chos skyong rnams la gtor ma rgya chen po phul zhing gsol ba btab ste/ dbon po sher seng na re lo brgya'i bar du bzhugs dgos zhu yin 'dug pas/ lo brgya tsam sdod mkhan su yod/ tshe ring po yin/ da len bla ma pa ma sleb na shi nyen 'dug na yang rten 'brel gyis khong slebs/ da shi rung 'gyod pa dang / sems kyi 'khri ba cig kyang med/ da khar sang 'gro mgon chos rjes lo bzhi mi 'chi gsungs pa yang byung / khyed rnams de ring phul ba'i gdan 'di yang bzhi 'dug pas lo bzhi sdod/ de nas phyin pa drag gsungs/ de nas bdag gis sku mdun du zla ba gcig bsdad/ phyag rdzas phal cher chos phyogs su btang tshar nas mi 'dug /lhag ma 'dug pa rnams nye gnas sogs la gnang sbyin dgos pa/ dge bshes tha dad la