[A:430]phyag dpe/ mchod cha sogs gang 'os pa rnams mos gus kyi rten du gnang / dgon pa'i stod zur na yod pa ma gtogs/ gzhan rdzas se gcig kyang ma lus par sbyin pa gtang / bde bar ma gshegs kyi bar la zhabs tog chud kha nas sbyar te/ nye gnas gcig ma gtogs gzhan su dang yang mi mjal bar mdzad nas thugs dam 'ba' zhig la bzhugs so/ /khyi lo'i dpyid bdag gis mjal du phyin pas/ khams bde/ dge sbyor nan ltar 'phel/ khyed rang yang dge sbyor la dril ba 'thad/ mi nyung ba 'di bas dge sbyor drag pa mi 'dug gsungs/ sa mo phag gi lo shar ba'i tshe/ da spros pa mang po khams kyis mi nus pa 'dug pas/ chos skyong rnams la gtor ma dus gcig la 'bul ba yin gsungs nas/ gtor ma mang po zhag gsum gyi bar du phul nas/ gtor ma bsngo ba'i rjes ma de la gyis gsungs/ slob dpon dbon po sogs gdams ngag gi zhu 'phro yod pa rnams da len shog gsungs nas chos kha cig gsungs nas/ khong chos don gnyer ba rnams kyi 'phro yang rdzogs yod/ da khrid gsar pa skyong ba sogs chos 'chad pa'i spros pa 'jog pa yin gsungs nas/ sku mtshams dam du btang nas thugs dam gyis dus 'da' bar mdzad do/ /lcags pho byi lo zla ba dgu pa la zhabs cung zad bsnyung du byung nas/ nye gnas kyis sku mtshams gsengs nas chu tshan la 'byon pa drag zhus pas/ mi phan mi 'gro gsungs/ slob dpon dbon po sogs thams cad kyis zhus pas/ blon po chu tshan du tshes brgyad la byon/ der mi mang pos chos 'brel dang / byin rlabs srung skud sogs zhus pas grib cig byung nas sku khams drag tu ma song bar tshes bcu la dgon par phebs/ sku khams nyog ge ba zhig byung / de tshe snang ba thams cad stong gzugs kyi tshe dpag med kyi sku 'ba' zhig tu 'char gyin 'dug pas/ phyi ma la yang tshe ring po cig 'ong bar 'dug