[A:484] sngar yab mes gong ma rnams 'brog mdzad pa'i tshe/ dge ba'i bshes gnyen sron pa rnams dang slob dpon dang yon mchod kyi 'brel zab pas/ de'i dus na sran pa'i gdan sa pa bla ma yon tan dpal zhes bya ba byas 'gyur na bzhugs pa/ bcom ldan 'das rdo rje 'jigs byed la mnga' brnyes pa cig yod pa gdan drangs te/ yum gyis 'jigs byed dang / tshe dpag med kyi dbang lan mang du zhus so/ /de nas chu pho khyi'i lo la yum la gnod pa med pa la sogs pa/ byang chub sems dpa'i rnam par thar pa dang mthun par 'khrungs nas sku bltams pa'i tshe bla ma de nyid spyan drangs te/ 'jigs byed kyi zhal gzigs pa'i bla ma yon tan dpal zer ba'i grub thob de la 'jigs byed kyi dbang zhus nas mtshan yang 'jigs byed bzang po zhes btags/ bsrung ba'i don du rdo rje 'jigs byed phyag drug pa rgya'i yul du bzhengs pa cig rgyun du bzhugs pa la/ da lta yang e waM gyi gzims khang na bzhugs pa yin no/ /yum gyi gsung nas 'di la gang zag bzang po cig 'ong bas/ nged rang rnams dang zas gos ma 'dres pa gyis zhes gzhan dag la yang yang bsgo la/ khong gis kyang gtsang sbra chen pos mchod cing / tshogs chen por yang dga' ston dang sku rim la gro bar 'dren pa sogs sku rim la brtson pas bskyed bsrings la/ de ltar byed pa yang rta wen chen po gzhi thog pa'i sras yin par grags zhes khong pa'i gzims g.yog pa'i ngag las thos zhes rje sangs rgyas rgyal mtshan gyis gsungs/ de nas kyang lo gsum tsam gyis bar du bla ma de la 'jigs byed dang tshe dbang mang du zhus shing / rje rin po che 'di nyid ni byis pa chung chung nas tha mal gyi byis pa'i spyod yul las 'das pa zhig ste/ dgung lo gsum bzhi tsam bzhes pa'i dus su'ang / zhi ba dang / dul ba dang / dben pa la dges shing dam pa'i chos la brtson/ rtsed