[A:485]mo'i rnam pa mdzad pa kun kyang / chos 'chad pa dang / nyan pa dang / bcom ldan 'das ri khrod ma lo ma gyon ma'i khrus chog la sogs pa mdzad pa'i rnam thar las/ tha mal gyi rtsed mo'i rigs ci yang mi mdzad do zhes rje nyid kyi ma ma bgres mo slob dpon legs rin gyi yum yin pa zhig las thos gsungs/ dgung lo lnga bzhes pa'i tshe yab kyi gsung gis/ rang re gsol ja pa byed pa la dngul gyi ja bo che theg mi theg brtag go gsungs nas/ dngul gyi ja bo dang ljid mnyam pa'i rdo bskur nas/ skas la 'byon bzhud mdzad du bcug pa na/ gsol ja ba la sogs pa 'jig rten gyi bya ba la thugs mi 'gro bas rdo phyir 'phangs te mi dges pa'i rnam 'gyur bstan pas/ bdag chen kun dga' rin chen pa'i gsung gis/ 'di'i gzugs kyang gsol ja ba la mdzes rgyu mi 'dug pa dang / khyad par khong rang chos la mos pa 'dug pas/ 'di chos byed du bcug nas gsol ja ba 'di nyid kyi gcung po dpon ne bsod nams dpal zhes bya ba cig yod pa de la byed du bcug pa drag pa 'dug zhes gsung pa'i bka' gnang bas/ thugs la dges tshor chen po dang / bdag chen la yang dad pa chen po 'khrungs so/ /de nas dgung lo drug bzhes pa'i tshe/ bdag chen la sa skyar bzhugs stabs bde mi bde cig byung nas/ chos rje ye shes rgyal mtshan pa bdag chen gyi sku mdun du spyan drangs te/ byis pa 'di la dge bshes bzang po cig 'ong ba bdog pas/ khyed kyis mgo 'don yang dag pa cig mdzad pa zhu/ zhes zhal da dang gnang sbyin mdzad nas chos rje ye shes rgyal mtshan pa la sprad/ chos rje ye shes rgyal mtshan pas/ dus kyi 'khor lo dang / gur dang / yo ga rdor dbyings kyi dbang bskur ba yang mdzad do/ /de nas skye 'phrang na bzhugs pa'i rnying ma pa'i slob dpon sangs rgyas rgyal mtshan zhes bya ba'i drung du/ byis pa 'jug pa'i