[A:488]puu sti re zhal phye nas dpe cha re phar log tshur log byed kyin gzigs pa cig ka bdog ces gsungs pa de lta bus mtshon pa'o/ /yang chos rje ye shes rgyal mtshan pas mkhan po/ mkhan chen blo gros dpal bas las kyi slob dpon/ /chos rje 'phags pa gzhon nu blo gros pas gsang ston slob dpon/ grib tshod pa 'jam dbyangs dpal ldan gzhon nu la sogs pa dad pa'i dge 'dun bdun gyi dbus su dgung lo nyi shu pa la bsnyen par rdzogs pa dge slong gi sdom pa rnam par dag pa nos te nyes ltung gi dri ma rnam par dag par bzhugs pa yin no/ /byang chub sems dpa'i sdom pa nos tshul ni/ bsnyen rdzogs tshar ma khad/ chos rje ye shes rgyal mtshan pa'i drung du/ dbu ma lugs kyi sems bskyed kyi cho ga zhus shing rjes nas bzhi dang lan lnga nos shing / chos rje buddha pa'i drung du dbu ma lugs dang / sems tsam lugs gnyis ka gsan nas/ so so'i bslab bya rnams byang ba dang / bslab btus sdom pa nyi shu pa la sogs gsan cing thugs su chud nas/ rang rang gi lugs ltar legs par bsrungs te shin tu rnam par dag par bzhugs so/ /de yang byang chub sems dpa'i sdom pa ni/ byams pa dang snying rje chen po'i rtsa ba can yin pa las/ bdag nyid chen po 'di nyid kyi thugs ni/ sems can thams cad la byams pa dang snying rje chen po'i ngang du gyur pa ste/ tha na gzhan dag sha za ba gzigs pa tsam dang / khyad par du rab tu byung bas sha za ba gzigs pa na nang du mi bzod pa'i thugs 'byung chen po 'byung zhing / zhag du ma'i bar du gsol dngas 'gag par snang ba dang / gzhon nu dar la sogs pa 'ga' zhig gis log sgrub shin tu 'jigs su rung ba ji snyed byas kyang / thugs la khong khro dang khon du 'dzin pa'i rnam pa cung zad kyang mi mnga' bar/ log sgrub byed pa po la lhag par thugs brtse bar snang bas/ spyan ras gzigs dang tshul mtshungs par