[A:496]cho ga rgyal ba'i rdo rjes mdzad pa/ dkar mo nyi zla'i rjes gnang / sbyong rgyud dkyil 'khor bcu gnyis kyi dbang / gtsug tor gdugs dkar gyi dbang / dga' ldan pa bkra shis dpal gyis mdzad pa'i dkyil chog /chos rje bla ma dam pas mdzad pa'i bla ma'i rnal 'byor zhal shes dang bcas pa/ yig brgya'i bzlas lung / de'i man ngag rje sa chen gyis mdzad pa/ uShNI Sha'i bzlas lung rnams gsan/ skabs shig na chos rje ye shes rgyal mtshan pas gegs sel 'dra dang bcas pa'i lam 'bras kyi cha lag 'ga' zhig zhu ba'i tshe/ sku mdun na dge bshes 'ga' re bzhugs 'dug pa rnams la/ deng 'dir lam 'bras kyi chos shig 'chad pa yin pas/ khyed rang rnams re zhig la gzhan du gshegs gsungs nas/ khong rnams gshegs song / chos rje 'di nyid la gshegs kyang mi gsung / rjes kyang de nyid du ka bzhugs pas/ de nyin chos rje ye shes rgyal mtshan pa la gnang ba'i lam 'bras kyi cha lag rnams gsan pas bla ma la mos gus thun mong ma yin pa dang / thugs la dges tshor bsam gyis mi khyab pa skyes so gsungs so/ /gzhan yang bde mchog lo nag dril gsum gyi phyag len dang bshad pa rnams gsan nas thugs sbyong legs po mdzad pas/ phyag len dang go rgyu rnams la thugs bskyed legs po byung bas/ bla ma dam pa dpal ldan tshul khrims pa thugs dges te/ slob dpon nyid dge bshes dga' mo cig byung 'dug nan tar bzang / 'u cag brag phug pa'i dge bshes cig byed pa yin no zhes gsungs so/ /de ltar bla ma dpal ldan tshul khrims pa 'di la shin tu thugs mos che ste/ lam 'bras phyag mchod kyi kha bskong du/ dpal ldan rtsa ba'i bla ma mchog /tshul khrims thos bsam sgom par ldan/ /brtse bas ma nor lam ston pa'i/ /bka' drin can khyod la phyag 'tshal/ /zhes gsungs par snang ngo / /dgung lo dgu pa nas/ dgung lo nyi shu rtsa lnga'i bar du/ gtso cher chos rje ye