[A:497]shes rgyal mtshan pa dang / gzhan yang chos rje dpal ldan pa la sogs pa'i drung du/ bka' lung man ngag mtha' yas pa'i bka' drin nos te/ de rnams kyi phyag len bshad pa/ man ngag phra mo tshun chad la sgro 'dogs legs par bcad de shin tu mkhas par mdzad do/ /dgung lo nyi shu rtsa lnga bzhes pa'i tshe/ chos rje ye shes rgyal mtshan pa bde bar gshegs nas/ thugs dgongs rdzogs pa'i thabs rnams legs par grub par mdzad de/ sngar gsung ngag rin po che ma gsan pas/ gsung ngag gsan par dgongs pa la/ chos rje lo tsA ba skyabs mchog pa de/ chos rje dpal ldan bla ma dam pa'i thugs sras dge ba'i bshes gnyen mtha' yas pa yin no zhes grags pa che bas de'i drung du gsung ngag gsan par bzhed de/ shangs chos 'khor sgang du byon pas/ dang por gzhan la 'dul ba me tog phreng rgyud gsung ba'i 'phro la zhus pas/ khyim gyi 'ching ba las grol te/ /zhes pa'i tshig mtshams su phebs pas/ a la la nyid khyad 'phags dga' mo zhig yin zer ba bden par gda'/ tshig mtshams bzang po byung bas bstan pa la phan pa'i 'dul 'dzin bzang po cig 'byung gi zhes lung bstan te/ gsung ngag rdzogs pa ni ma byung / 'on kyang bla ma lnga bcu pa/ chos rje bla ma dam pas mdzad pa'i brtag gnyis TIka chen/ gsang 'dus spyi don/ rtsa ltung bcu bzhi rnams kyi bshad pa/ snang ba gsum gyi khrid/ bla ma'i rnal 'byor/ bka' gdams lam rim gyi khrid rgyas pa/ blo sbyong don bdun ma/ dbu ma rtsa she 'grel pa tshig gsal gyi steng nas bshad pa/ rigs pa drug cu pa dang / rgyud bla gnyis kyi TI ka chos rje nyid kyis mdzad pa'i steng nas bshad pa/ kun las btus kyi bshad pa/ so sor thar pa'i mdo/ tshul khrims yang dag par ldan pa'i mdo la sogs pa gsung rab spyi'i go ba la thugs bskyed chen po dang / 'dul ba'i phyag len yang legs par mkhyen pas/ thugs legs par dges pa dang / bla ma la dad gus chen po skyes