[A:506]dbang gzhan yang mang po gsan kyang ma phan pa la/ gsang 'dus 'jam rdor sa lugs kyi dbang gsan pas/ khams 'dus pa las grol te/ ting nge 'dzin khyad par can 'khrungs so/ /de nas stag gi lo dgung lo nyi shu rtsa brgyad pa la/ bka' bzhi pa bsod nams don grub dang 'phags pa bka' gros mdzad nas/ chos rje 'phags pa'i gsung gis nga yun ring po e sdod mi shes pas/ khyed rang yang chos kyi 'phro rnams zhu ba la brtson 'grus bskyed pa dang / sa bzang dgon pa bzung la bka' lung rnams kyis gzhan la phan pa rgyun mi chad par gyis shig ces sogs zhal da mang po gsungs shing / kr-i ya sa mutstsha'i glegs bam dang / dam tshig gi rdo rje dril bu zhig /chos dung rnams gnang nas rgyal tshab tu mnga' gsol te/ bstan pa'i khur phog pas thugs kyi dgongs pa mthar phyin par grub par gyur pa yin te/ de yang sku gsung thugs kyi khur chen po bzhes te gtsug lag khang rnams kyi nya ra/ mar me/ mchod pa/ dge rgyun gong ma rnams kyi thugs dgongs rdzogs pa'i sgrub mchod sogs rnam dkar gyi bya ba bsam gyis mi khyab pa mdzad do/ /gzhan yang zha lu pa'i chos brgyud 'dzin pa'i bla ma bkra shis rin chen pa'i drung du/ gsang 'dus spyan ras gzigs lha bcu dgu ma'i dbang / sgrub thabs rgyas pa dang bsdus pa jo bo rjes mdzad pa/ phyag na rdo rje 'khor lo chen po'i dbang / bde mchog sbyangs pa'i yon tan gyi dbang / lwa ba pas mdzad pa'i dkyil chog /mai tri pa'i bde mchog bcu gsum ma'i dbang / sgrub thabs mai tri pas mdzad pa/ rtag pa'i rdo rje'i chos gsum la sogs pa gsan/ bde mchog sdom 'byung gi 'grel pa ratna rakShi tas mdzad pa/ rdo rje gdan bzhi'i 'grel pa bha wa pas mdzad pa/ rnal 'byor nam mkha'i sgrub thabs/ ye shes mkha' 'gro'i sgrub thabs/ dkyil chog snying po mdor bsags shing gcig gi dka' 'grel rnams Arya de was mdzad pa/ sangs rgyas thod pa'i dka' 'grel ye shes