[A:507]ldan/ lha nyi shu rtsa lnga'i sgrub thabs/ dkyil chog gtor chog rnams sa ra ha pas mdzad pa/ mi 'jigs pa'i gzhung 'grel/ ma hA mA ya'i sgrub dkyil ku ku ri pas mdzad pa/ rdzogs rim de kho na nyid gsal ba/ dus 'khor gyi dbang / rdor dbyings 'grel pa lugs/ khams gsum rnam rgyal/ rtse mo rigs bsdus/ dpal mchog rigs bsdus/ dpal mchog rdor sems/ kun rig rtsa ba'i dkyil 'khor/ phyag rdor 'chi 'joms/ mi 'khrugs pa/ 'jam dpal yon tan kun 'byung rnams kyi dbang gsan no/ /gzhan yang dus 'khor bsdus rgyud/ 'grel chen bshad pa bu ston nas brgyud pa/ sdom 'byung gi bshad pa/ dbang mdor bstan gyi bshad pa/ gzhan sgra'i sa ris thog pa mdzad kyang / lung zhib tu ma gsan kha cig zer ro/ /sgra'i TIka chen ma gtogs chos rje bu ston gyi bka' 'bum pusti sum cu tsam gyi lung yongs su rdzogs par gsan no/ /bla ma 'di shAka bzang du gdan drangs nas bka' chos thams cad yongs su rdzogs par gsan zhing zhabs tog dang bsnyen bkur gyis kyang mnyes par mdzad do/ /gzhan bla ma bcu phrag gcig dang nyag ma gsum mam/ gnyis la sogs pa rnams las chos 'brel dang 'bel gtam mdzad de/ de yang slob dpon legs rin gyis bstod par/ gnyis med gsung ba sna tshogs gdul bya'i ngor/ /tha mal tshul 'dzin mkhyen brtse'i bdag nyid can/ /bcu phrag phyed dang gnyis rnams tshul bzhin du/ /bsten nas mnyes par mdzad la gsol ba 'debs/ /zhes bshad cing / gyong pos bla ma bcu gsum tsam bsten par bshad/ de dag kyang gang zhe na/ bla ma dpal ldan pa/ shar pa/ g.yag pa/ lo tsA ba skyabs mchog dpal/ grub chen buddha pa/ sa bzang 'phags pa/ mkhan chen bkra shis rin chen/ rje rin po che shar