[A:505]pa'i lugs kyi kye rdo rje'i dkyil 'khor chen po bzhi'i dbang / saM pu Ta nas gsungs pa'i kye rdor lha bcu bdun ma/ saM pu Ta rdor dbyings/ gur rigs bsdus rngog lugs/ bde mchog 'khrul spong / bde mchog rdo rje mkha' 'gro/ /mkha' 'gro rgya mtsho/ bde mchog sdom 'byung / sangs rgyas mnyam sbyor rigs bsdus/ mnyam sbyor rdo rje sems dpa'/ rdo rje gdan bzhi'i yab bka'/ yum bka'/ gdan bzhi'i dkyil chog rgyas pa/ ma hA mA ya/ sangs rgyas thod pa lha nyer lnga ma/ lha dgu ma/ mi g.yo bla med lha dgu ma/ lha bcu gsum ma/ sgrol ma lha bcu bdun ma/ mchog gi sgrol ma/ gur mgon lha bcu bdun ma/ dus 'khor chos dbyings gsung dbang / sbyong rgyud dkyil 'khor bcu gnyis/ rnam snang mngon byang / mi 'khrugs pa lha dgu ma rnams kyi dbang gsan/ dbang de rnams dang 'brel ba'i sgrub dkyil la sogs pa'i rgya gzhung dang / bod kyi yig cha rnams kyang gsan no/ /gzhan yang rjes gnang dang / sgrub thabs la sogs pa mtha' yas pa dang / u rgyan bsnyen sgrub kyi skor/ bde mchog snyan brgyud kyi skor tshang ma/ rgyud 'bum yongs su rdzogs pa/ mdo sde yongs su rdzogs pa dang / sangs rgyas phal po che la sogs pa mdo'i rnam grangs bsam gyis mi khyab pa dang / bslab pa kun las btus/ spyod 'jug /mdo sde rgyan/ rgyud bla ma/ mngon pa kun las btus rnams sa bzang ba'i TI ka'i steng nas gsan/ yang byang chub gzhung lam/ ma ti paN chen gyi bka' 'bum la sogs pa mang du gsan no/ /slar yang rgyud sde bzhi dang 'brel ba'i zhwa lu pa'i chos skor bu ston rin po ches mdzad pa phra mo yan chad kyang ma lus par yongs su rdzogs par gsan zhing / yon tan thams cad bum pa gang byor gyur pa yin no/ /yang de lta bu'i skabs shig tu/ sngar gyi lta bu'i khams 'dus shig byung ba la/ chos rje 'phags pa'i drung du rdo rje phreng ba la sogs pa'i