[A:512] sdom pa nyi shu pa nas bshad pa ltar mdzad pas lan 'ga' re las mi gnang ngo / /khyad par gsung ngag rin po che gnang ba'i dus thams cad du sngags lam la 'jug pa'i sngon 'gro/ rje btsun ga ya dha ra nas brgyud pa'i sems bskyed kyi cho ga maNDal la ma brten pa dang / bde mchog pa rnams la brgyud pa maNDal la brten pa gnyis skabs su gang babs dag cing rgyas pa gsal ba bsam gyis mi khyab pa mdzad pas/ byang sems kyi sdom pa gnang ba yang bsam las 'das so/ /de lta bu'i sdom pa gang 'bogs kyang / las sla dang / dka' tshegs la cung zad kyang mi gzigs par rang rang gi lugs kyi cho ga gang yin pa de 'gal 'khrul nor pa dang sra sre'i nyes pas gtan nas ma gos par/ cho ga'i yan lag phra mo tsam la yang tseg 'dam chen po mdzad nas shin tu dag par mdzad pas sdom pa thob sa bzang ba yin no/ /de ltar sdom pa gnang nas bslab bya rnams slob ma rnams kyi rgyud la 'byor nges re mdzad pas 'di ni gzhan las khyad par du 'phags pa'i phyag len yin no/ /rig 'dzin sngags kyi sdom pa yang / rtsa rgyud las/ dang por gso sbyong sbyin par bya/ /zhes sogs dang mthun par rim can gyis bkri dgos pa'i gang zag rnams la lam 'bras bu dang bcas pa'i khrid gnang ste rgyas par 'og tu 'chad/ gzhan yang rdo rje phreng ba kr-i ya sa mutstsha dang bcas pa'i dbang bskur yongs su rdzogs pa drug cu lhag tsam mdzad pa de'i sgo nas gdul bya sngags kyi sdom ldan du byas pa yang bsam gyis mi khyab c-ing / de yang 'brug lo chos rje 'phags pas shAka bzang sku 'bum du rdo rje phreng ba'i dbang mdzad 'phro la bde bar gshegs/ sku bsnyung ring nas ma 'das bar du bsnyung g.yog sman dpyad sku rim sogs rel ma shor bar mdzad/ 'das nas kyang sku gdung gi zhabs tog gsang brtol ba dang / gshegs rdzongs la gdan sa chen po'i tshogs