[A:477]la don gnyis te/ dngos dang 'phros so/ /dang po la rgyal bas lung bstan tshul/ sku skye ba snga ma rnams su bstan pa la bya ba byas tshul/ sku skye ba 'dir sangs rgyas kyi bstan pa la mdzad tshul lo/ /dang po ni/ de yang bdag cag gi 'dren pa dam pa 'di ni bskal pa dpag tu med pa'i sngon rol du mngon par rdzogs par sangs rgyas zin kyang / bskal pa bzang po 'di la rdzogs pa'i sangs rgyas stong 'byung ba'i snyigs ma lnga bdo ba'i dus su ston pa thub pa'i dbang po sogs kyi bstan pa la phan pa dang / sems can mang po smin grol la 'god pa'i lung bstan ni/ 'phags pa dge ba'i rtsa ba yongs su 'dzin pa byang chub sems dpa'i sde snod kyi mdo las/ de tshe 'jig rten mgon po'i sprul pa sprul/ /de tshe dge slong kun dga' bzang po 'byung / /tshul khrims kyis kyang khyad par 'phags gyur la/ /thos pa mang zhing pha rol phyin pas 'phags/ /thabs dang shes rab la ni shin tu bslabs/ /de dag chos kyi sems rgyud brjed mi 'gyur/ /rtag tu 'phags pa rnams dang 'grogs