[A:478]par 'gyur/ /dpa' bo de yi yon tan gang yod pa/ /mang du thos kyang mthar thug 'gyur ba med/ /dpa' bo shin tu gnas pa de yi ming / /de tshe bud med gang gis thos gyur pa/ /de ni phyin chad bud med dngos mi 'gyur/ /de ltar rtsi sman 'dra ba'i mi des ni/ /ming gi'ang sangs rgyas mdzad pa byed par 'gyur/ /de tshe phyogs bcu dag tu bsgrags pa na/ /dpa' bo de yi ming ni sus thos pa/ /de yi ming gis las ni de byed de/ /bud med gang zag la ni reg mi 'gyur/ /gang gis mthong dang bsti stang byed ci smos/ /des na rgyal bas dge slong gang sprul pa/ /kun dga' bzang po zhes ni bya ba des/ /rgyal bas de skad bsgrags pa de 'dra ba/ /byang chub bzhugs pa ci mchis de la zhus/ /kun dga' bzang po go cha dpa' bo'i ming / /'jig rten khams 'dir yongs su bsgrags pa na/ /gang dag phyi dus dge slong rnams 'byung ba/ /rtsub dang gtum dang shin tu rtsub pa yi/ /dge slong gzhan gyis 'di la rtsod par 'gyur/ /chos 'di rgyal bas gsungs pa ma yin zhes/ /'jig rten phyin ci log la kun dgar ltos/ /de phyir snyigs ma'i dus na de dag ni/ /nga dang lhan cig sangs rgyas zhing du lhags/ /nga yi byang chub mchog 'di thob gyur kyang / /de tshe sems can lta can spro ba med/ /phyi dus 'jigs pa chen po de yi tshe/ /srog kyang btang nas de bzhin bya snyam ste/ /nga yi chos mchog spel zhing 'dzin par byed/ /kun dga' bzang skyong rin chen 'byung gnas dang / /dkon mchog 'byung gnas dang ni ded dpon bzang / /yon tan sbas pa mkhas dang de bzhin du/ /dpa' bo bzang stobs gang yin de la ltos/ /kun dga' gang su dag gis de dag mthong / /gang dag su yis ming yang thos gyur pa/ /de dag nam yang byang chub dogs pa med/ /de dag nam du'ang log par ltung mi 'gyur/ /de dag thams cad brtson pas tshogs pa yin/ /de dag thams cad