[A:479]tshogs par shes par 'gyur/ /zhes gsungs/ yang dam chos padma dkar po las/ ngas ni dge slong dge 'dun mos par byas/ /kun dga' bzang po nga yi chos 'dzin pa/ /bde gshegs bye ba drug cu mchod byas nas/ /ma 'ongs dus kyi tshe na rgyal bar 'gyur/ /de yi ming ni rgya mtsho blo 'dzin te/ /mngon par shes thob ces kyang de na grags/ /lta na sdug pa yongs su dag pa'i zhing / /ma bsnyal rgyal mtshan rgyal ba'i ba dan no/ /byang chub sems dpa' ganggA'i ji snyed der/ /de bas lhag pa yongs su smin par byed/ /rgyal ba de ni rdzu 'phrul che bar 'gyur/ /phyogs bcu'i 'jig rten du ni sgra yang bsgrags/ /de yi tshe yang dpag tu med par 'gyur/ /'jig rten rnams na phan zhing brtse phyir gnas/ /skyob pa de ni mya ngan 'das 'og tu/ /nyis 'gyur de yi dam chos gnas par 'gyur/ /de nas gzugs brnyan de yi nyis 'gyur du/ /gnas te rgyal ba de yi bstan pa la/ /de na sems can ganggA'i bye ma snyed/ /sangs rgyas 'byung ba de la rgyu yang bskyed/ /ces gsungs so/ /de ltar mdo gnyis nas lung bstan pa'i gzhung gi skabs don la dpyad na/ snga ma ni 'jig rten mgon po ste 'phags pa spyan ras gzigs kyi sprul par bstan cing bzang skyong sogs sems dpa' chen po rnams dang chos mtshungs su bstan/ /mdo phyi ma ni nyan thos chen po rnams lung bstan pa las tshig 'di dag 'phags pa kun dga' bo lung bstan pa'i skabs na snang bas 'di dang yang thugs rgyud gcig par snang ngo // ! gnyis pa sku skye ba snga ma rnams su bstan pa la bya ba byas tshul ni/ byang chub sems dpa' gzhon nu rgyal mchog gi zhal snga nas/ rgyal ba'i mdun na dri ma med pa'i dpal/ /dga' ldan gnas na dul ba'i dbang po ste/ /'phags pa'i yul na gsang ba'i rgya mtsho nyid/ /kha ba can na kun dga' bzang por grags/ /zhes gsungs/ gyong por