[A:525]shing la phyin pa la sogs pa lo rgyus byung bas/ sngar gyi thugs dam du byung ba'i sa cha de yin par mkhyen nas nye gnas bkra shis rgyal mtshan dang / nyi ma rgyal mtshan gnyis bltar btang ba wa rong man gyi nyin srib mthong bas 'di 'dra ba 'dug zhus pas/ da dung cung min gsungs/ sprel lo'i dgun mkhan chen shAkya bzang po dpon slob 'ga' zhig skor du btang bas/ la mgo man gyi nyin srib thams cad gzigs/ da lta ldan ma'i spyi khang dang rdzing gi bar der chos skyong gi gdan nas spungs te/ yar byon nas rgyu mtshan zhus pas/ de ga yin tshod du 'dug ces gsungs/ zhal da ji ltar gnang ba ltar 'dug cing / de tshe dgun yin kyang me tog so ma gcig skyes pa yang gzigs te rten 'brel legs po byung zhes gsungs so/ /de nas sa mo bya lo'i dbyar e waM chos ldan gyi ri khrod du phebs/ me tog skyes sar bla brang btab/ de yang dgon gnas 'di nyid sa dpyad kyi rten 'brel yang bkra shis rtags brgyad padma 'dab brgyad/ gnam sgo dang gnam gzhur ma dod pas 'khor lo'i dbyibs tshang / dngos grub kyi chu mig mang po/ nor lha dang chos skyong gi gzugs brnyan can gyi ri dang brag mang po/ gnas dngos chos 'byung gi dbyibs can/ dngos grub kyi rdzas mtha' dag tshang ba/ o Di ya na'i gnas dang dbyer med cing shin tu bka' gnyan te/ sa gzhi'i dbyibs bkra shis dung gzugs 'dra bas snyan grags chen po dung la yod zer/
'dir ga ring bas brtag pa'i yi ger/ sa 'bum dkar nag /stag pho gsham mo gsham/ sa rgyud che chung / ga ring rgyal po'i bzhed gzhung bzhin brtags par/ gnam sgo sogs ma dod pa sa bzang dpyad du 'gro/ /sa gzhi 'khyog lung pa byings shing sdong gi dbyibs dang mtshungs pas sa gzhi ljon shing 'dra zhing / spang dang brag ri rgyas mi rabs re re dar ba'i dpyad yin/ phu'i gdong byang phyogs grogs rtse la khar phyin dang mang du gyis/ pad sdong utpal 'dra na bshad nyan 'phel/ bshad nyan dgon pa'i gnas su bshad pa yin/ byang ri skyob mtho lho phyogs