[A:524]man ngag gis 'gro ba smin grol la bkod tshul dang / gsum pa ni de las bstan pa la phan pa'i sbyin bdag dang slob ma byung tshul 'og tu 'chad par 'gyur ro// //spyi don gnyis pa pha rol gyi rgol ba ngan pa'i log rtog bzlog tshul ni/ 'chad rtsod rtsom gsum gyi go rim dang mthun par 'og tu 'chad do/ /sku gsung thugs kyi rten bzhengs tshul sogs kyang 'og nas gsal bar 'byung ngo / /de ltar de yan chad gdan sa phyogs su gzhan don phrin las bsam gyis mi khyab pa mdzad do/ /gdan sa chen por gzhan don phrin las bsam gyis mi khyab kyang / 'on kyang gdan sa chen por g.yeng ba dang / chang sa ches pas grwa pa rnams kyi slob gnyer la gnod pa dang / chas ka la gzan cing / grwa pa gnyen po chung ba 'ga' re chud zos la yang 'gro bar 'dug pas/ tshang ma med par dben gnas shig tu bzhugs te 'chad nyan mdzad na/ bstan pa dang grwa pa la phan che bar dgongs nas/ sngar chos rje dpal ldan tshul khrims pa'i gsung gis 'u cag brag phug pa'i dge bshes cig byed pa yin no zhes gsungs pa la brten nas/ nam za brag phug dang / gzhan yang bsam gling sogs dben gnas du mar thugs 'dun mdzad de/ gur gyi mgon po la mchod gtor phul zhing gsol ba btab pas/ de rnams gang du yang brtag pa ma byung bar/ thugs 'dun ma mdzad pa'i e waM chos ldan gyi ri khrod de rang 'od gsal la gsal por shar byung kyang gnas 'di na yod gsal ba rang ma byung ba la/ nub cig mnal lam du khyod kyi dgon pa don grub kyis ston pa yod do zer ba cig byung ba/ phyis nyag re dge bshes don grub zer ba cig yod pa dang gsung gleng byung bas/ khong gis chu mig tu bsdad nas ngor na yar me shing bsgrub la phyin pas/ e waM chos ldan gyi sa cha de mthong / khong pa sa skyar slebs nas rje'i sku mdun du byung ba dang / khong gis me