[A:527]'bras sogs gsungs tshe/ sa skya'i yang dgon bla brang nas srang kha mdung tshugs kyi bar de rnams shing nags chen po/ kha dog dmar sing byas pa rgya chen po cig 'dug pa/ 'di ci yin byas pas khyed kyi bstan 'gyur bzhengs pa'i smyu gu yin zer ba rmi gsungs/ de ni deng sang sku bsod dang bstan pa la phan thogs chen po 'ong ba'i ltas yin/ gzhan yang rje btsun rin po che'i zhal bu lto phor du gtad pa/ ma hA kA la'i ras bris rnying pa chen po cig gi rgyab la yig phreng dgu 'dug pa la/ da sa skya pa la 'di 'dra 'ong zer ba 'dug pa tshar gcig bklags pa rmis pa de mnal sad tsa na brjed gsungs/ de'i tshe bal po dang / lha bris pa sogs glo bur du dgon par sleb byung ba sogs rgyas par 'og tu 'chad/ dbyar chos la dge 'dun sum brgya tsam tshogs pa rnams la lam 'bras gnang bas/ lam 'bras tshogs pa la gsungs pa'ang 'di nas 'go zug pa yin no/ /thugs dam mdzad pa dang lam dus len pa bskyang 'dren byed pa rnams gzigs nas chos rje nyid kyang thugs dges par gyur to/ /gong du bshad pa'i gnas phun sum tshogs pa der dben gnas mdzad cing dgon pa'i ming yang stod nas byon nas gso sbyong cig mdzad pa'i sang snga dro/ mdong nga'i rmi lam la yi ge e dang waM gnyis las chos kyi phung po 'byung ba yin zhes sogs la bshad pa byas pa rmi bas/ rang re'i dgon pa 'di la e waM chos ldan 'dogs pa yin no zhes gsung zhing thugs dges pa'i sgo nas rab gnas mdzad de/ dbyar gnas pa mdzad/ dbyar chos la 'dul ba'i bslab bya dang / byang sa dang / bslab btus lam 'bras sogs gsungs/ bdag chen chu mig pas sa thams cad bde spyod du phul ba yin na'ang chu mig tu byon te bka' shog zhus/ shel gyi phor pa sogs sa rin du 'bul ba mdzad/ dgon pa'i khang du sha chang dang nag mo 'grims sa med pa dang / der bzhugs kyi dge 'dun