[A:528]thams cad dang tshugs la gnas pa dang / sa gzhan du 'khon rtsod la sogs pa ci yod kyang / e waM chos ldan du 'khon rtsod la sogs pa bya sa med pa'i bca' khrims legs po mdzad/ de'i tshe nyin gcig rong po'i spyi khang 'og ma de la gzigs nas/ zhing steng pha ta na/ sa skya'i gur mgon lcam dral gyi 'cham sku de gnyis bzhugs 'dug pa yin te/ khang pa pha ta na 'ong ba la blta ba yin par 'dug /mgon khang cig dgos pa yod de zhes gsungs pa ni/ sngar ri khrod thugs dam la shar ba'i tshe gzigs par snang ngo / /phyis 'du khang cig bzhengs par dgongs dus/ nub gcig mnal lam du 'du khang chen mo mdzad par dgongs pa'i gyong ra de na/ bla ma sa chen yab sras gsum gyi sku sngar gyi lta bu dang / chos rje sa paN gyi sku yang de tsho dang 'dra ba'i 'od zer dang gzi brjid mtha' yas pa dang bcas gzigs pa rmis zhes gsungs pa ni/ de rnams spyir sangs rgyas kyi bstan pa dang / bye brag tu sa skya pa'i bstan pa la phan pa dang dar rgyas chen po 'ong ba'i ltas su 'dug gsung / gtsug lag khang gi logs bris sogs kyi dkar chag 'og tu 'chad/ dbyar chos la gsung ngag gsungs pa de nas bzung ste/ gtso bor gsang sngags rdo rje theg pa rgyud sde bzhi'i chos kyi 'khor lo bskor ba las/ dben gnas 'dir phebs nas rdo rje theg pa don du gnyer ba'i dge ba'i bshes gnyen phyogs mtha' dag nas dus dang gnas skabs nges pa med par 'byon pas dbang dang byin rlabs/ rgyud dang man ngag la sogs pa rnams kyang dus dang go rim nges pa med par don du gnyer ba'i shes 'dod kyis stabs ka dang bstun nas rgyun mi chad par gsung zhing
gsang sngags pa'i dam tshig tu dzambha la'i chu sbyin sogs rten 'brel 'ga'i dbang las mtshan nyid grwa sa las sngags grwa longs spyod che bar 'ong gsung pa'i lo rgyus 'dug
/de la spyir rgyud sde bzhi la chos skad rang rkang tshugs pa