[A:531]dbang phyug /bdag chen mthu stobs dbang phyug /bsod nams rgyal mtshan sogs/ 'jam pa'i dbyangs kyi rnam 'phrul dpal ldan sa skya pa'i gdung brgyud rnams dang / shar chen ye shes dbang phyug sogs shar pa dang / gzhan yang mdo sngags kyi don la mkhas shing lag len dang nyams len gyi rim pa thams cad 'khrul ba med par thugs su chud nas bstan pa'i rgyun gnas pa dang / nyams len gyi sgo nas sgrub pa'i rgyal mtshan 'dzugs pa'i bshes gnyen/ sems dpa' chen po gzhon nu rgyal mchog pa dang / rje nyid kyi rgyal tshab dam pa rgyal ba mus pa chen po dkon mchog rgyal mtshan dpal bzang po dang / mkhyen rab dbang phyug smar khams pa grags pa bzang po dang / chos rje gzhon nu seng ge pa dang / mkhas pa ratna shrI bha dra dang / rong ston shes rab dpal dang / mkhan chen 'jam pa'i dbyangs shes rab rgya mtsho ba dang / byang chub sems dpa' kha char mkhan po bsod nams rgyal mtshan pa dang / rong ston shes bya kun rig dang shAka bzang sku 'bum du mjal tsam las bka' chos phan tshun gsan pa ni ma byung la/ 'on kyang thugs yid gcig tu 'dres pa yin te/ rong ston thams cad mkhyen pa shAkya rgyal mtshan gyi zhal snga nas/ nga'i dgon pa nA lendra 'dir lung rigs kyi bshad pa'ur chem chem pa gyis/ sngags phyogs don du gnyer na ngor dgon gsar du song / bla ma sa bzang pa kun dga' bzang po rdo rje 'chang dngos su 'dug /ngas theg chen chos kyi rgyal po'i drung du lam 'bras nyan chos zhus pa bas/ bla ma kun dga' bzang pos shAka bzang sku 'bum du ja gral la bos pa'i sar 'bel gtam byas pa go rgyu che bar byung gsung zhing bstod pa rab dkar ma yang mdzad do/ /phyis rong ston nyid kyang bde mchog gi skor 'ga' zhig gsan pa la phebs dgos tshul e waM du phyag bris 'byor yang zhal bgres pa dang / nA lendra