[A:533]dang / zhwa lu mkhyen rab rje/ jo nang / ngam ring / rin spungs/ rgya mkhar rtse/ byams chen rab 'byams pa sangs rgyas 'phel dang / de'i gdan sa pa 'jam dbyangs pa/ se ra sogs chos sde chen po'i chos dpon dang / gzhan yang nyag re'i dge bshes grub thob don grub zhes pa 'di nyid kyis/ dang por rje nyid la dgon gnas 'di nyid 'di ltar yod tshul gyi zhib cha rnams zhus/ phyis rje nyid kyis rjes su bzung zhing / nyag re khang gi mun khang du sgom yun ring du mdzad/ lho rong du byon nas nyams rtogs gong nas gong du 'phel zhing grub pa brnyes te/ ri tshogs chos sdings nas bam gsum gyi bla ma mdzad/ dgon gang du bzhugs la grwa rigs rnams ma 'chams pas/ gsum ka ru bzhugs par zhal gyis bzhes shing 'phur nas dgon pa gsum ka ru bzhugs/ zhing brje dus sku'i bkod pa gsum du sprul te dgon gsum du re re gshegs pa'i tshul bstan/ mtshan la grub chen dmar ri ba zhu zhes thos so/ /gzhan yang grags pa rin chen dang / dpal gyi rgyal mtshan dang / gu Na pra bha
'di rje'i sku dbon rgyal tshab dam pa'i slob dpon yin
dang / saM gha ma ti dang / ldan gyi phyogs su dam pa kun spangs par grags pa drung chos kyi rje kun dga' rin chen pa dang / ka drug pa drung rin po cher grags pa dang / ldan ma bka' bcu par grags pa bsod nams dpal ldan pa dang / chen po sangs rgyas blo gros pa dang / mdo stod rtsa mdo pa gyong po sangs rgyas rgyal mtshan pa dang / srad pa grub chen kun blo pa dang / mkha' grub zla ba bzang po sku mched sogs dang / 'bring mtshams su ting skyes brag dkar dgon par byang sems bsod nams rin chen pa dang / chu 'dus su chos rje mkhas btsun pa sogs dang / tshe 'di la grub pa brnyes pa ni/ bla ma dpal ldan pa'i gsung gis/ tsha ba rong pa shAkya rgyal mtshan 'phan yul gyi ri la