[A:534]mkha' spyod kyi gdams ngag la brten nas sgrub pa mdzad cing bzhugs pa la/ skabs shig tu rol mo'i sgra dang 'ja' tshon byung nas bltar phyin pas lus ma spangs par mkha' spyod du gshegs so zhes de'i yon bdag sogs kyi mthun snang du grub par gyur to/ /tsha mo rong pa bsod nams bzang po tsha rong gi ri la 'chi khar mkha' spyod du gshegs so zhes de'i grogs brdzun med pa rnams kyis sku drung du gleng gin snang la/ a mdo ba'i mdzo rdzi las can gcig /rdo rje bdag med ma'i dbang mdzad dus rdul tshon gyi dkyil 'khor la lha thams cad zhal phyag rdzogs par mngon sum du mthong ba byung zhes bla ma dpal ldan pa gsungs/ gzhan yang lam 'bras dang mkha' spyod ma'i 'da' ka ma la brten nas grub mtha' snyogs pa ni mang du byung ngo / /rnal 'byor pa brtul zhugs kyi spyod pa mdzad pa yang mtshan dngos brtson 'grus bzang po gzhan du thang stong rgyal po dang / lung stong smyon pa dang / grub thob lcags zam par grags pa lo brgya dang so brgyad tsam bzhugs pa de la sogs du ma byung bar mngon no/ /mdor na stod mnga' ris/ smad mdo khams/ bar dbus gtsang sogs nyi 'og gi rgyal khams thams cad du rje 'di'i phrin las khyab cing slob tshogs bsam gyis mi khyab pa byung mod/ re re nas sus brjod par nus/ 'dir ni rags pa tsam zhig brjod pa'o/ /de lta bu'i slob tshogs de dag kyang rje'i yon tan bum pa gang 'byor bzhugs pa ni/ rje mus chen dang mkhan chen sher rgyam pa sogs yin la/ gzhan phal cher kyang mdo sngags bstan pa'i gsal byed kho na yin cing / slob ma chung shos rnams kyang / bde mchog /kye rdor/ dus 'khor sogs chos skor re re 'dzin skyong spel gsum thub pa mtha' yas so/ /chos rje rin po che rang nyid kyi thugs rgyud la yang / spyan lam na yod pa'i bum pa la sogs pa'i rdul phra rab ji snyed yod pa