[A:536]mdzad phrin gong sgrub kyang / /byang chub sems ni mngon du yongs btang nas/ /thub pas bsngags pa'i chos kun sgrub par mdzad/ /ces so/ /yang de ltar 'chad nyan kho na la dril ba las rje 'di'i drung du/ rgya hor/ mdo khams/ glo bo sogs nas spyan 'dren pa mang du byung yang / bstan pa'i gzhi ma 'chad nyan mdzad cing gzhan du mi 'byon par dgongs mod/ 'on kyang zhu nan ches pas smad mdo khams dang / stod mnga' ris gang 'thad gzigs pas/ stod mnga' ris la thugs dam la shar nas byon pa yin te/ brag dkar sems dpa' chen po bsod nams rin chen gyi zhal nas/ de dag rtse gcig sgrub pa 'chad nyan sogs/ /gang 'thad gzigs pas 'chad nyan phan gzigs nas/ /dri med bstan pa rab tu rgyas mdzad pa/ /stod smad gdul bya gang 'thad gzigs gsung ba/ /stod phyogs 'thad par dgongs nas spyan drangs byon/ /bstan pa dar rgyas gdul bya smin grol mdzad/ /ces gsungs so/ /de yang zhib tu bshad na glo bor lan gsum phebs pa'i dang po sa skya nas yin cing / phyi ma gnyis e waM nas yin no/ /de yang stod phyogs su phebs pa'i lung bstan byung tshul ni/ sngar bshad pa ltar 'chad nyan chag dogs dang / khyad par lo tsA ba ngag dbang gis mnga' ris su phyin kyang phan thogs mi 'ongs pa'i rgyu mtshan zhus nas stod phyogs su mi phebs pa'i thugs thag chod/ glo bo phyogs su yig lan mdzad par dgongs pa'i nub mo mnal lam du mnga' ris la 'gro zer nas zi thang gi thad ka la/ gdugs dkar po bcu gsum gcig zho le byas 'dug gsungs/ thams cad gser tog dang bcas pa 'dzin mkhan med par 'gro ba rmis/ de nas yar phebs par dgongs so/ /'di gdan sa pa gdugs thog bcu gsum 'byung ba'i rtags su'ang gsungs/ de'ang spyan 'dren pa glo bo sde pa bstan pa'i sbyin bdag chen po dge sbyong