[A:535]gzigs pa'i ting nge 'dzin la sogs pa'i sgo du ma la mnga' brnyes te/ de'i stobs kyis gdan sa chen po dang / sde pa 'ga' re la ma 'ongs lung bstan dang / tha na grwa ba phal pa 'gro 'dug byed pa'i lung bstan zhus pa yang ji ltar lung bstan pa ltar thog tu babs pa la sogs pa ma 'ongs lung bstan pa yang mtha' yas so/ /mdor na rang dang dus mnyam pa'i dge ba'i bshes gnyen du mas zhabs bsten cing / rang rang gi shes 'dod dang mthun par dam chos bdud rtsi'i dga' ston la spyod par byas nas mkhas mang thams cad kyi gtsug gi nor bu'i rgyan dam par gyur pa yin no/ /bstan pa la phan pa'i sbyin bdag stobs ldan byung ba ni/ rab tu byung ba dge tshul gyi sdom pa dang / dbu ma lugs kyi sems bskyed/ gur rigs bsdus/ bde mchog /kye rdor sogs kyi dbang bskur du ma dang / rtsa rgyud brtag gnyis bshad pa/ dus 'khor 'grel chen dril bu rim lnga sogs khrid bka'i lung la sogs pa du mas rjes su bzung ba/ gu ge chos kyi rgyal po dang / gzhan yang mnga' ris rdzong ka'i rgyal po/ hor se chen gyi brgyud pa legs rin/ dbus kyi gong ma chen po grags pa 'byung gnas/ khams go 'jo'i bdag po/ gling dpon chen rin spungs pa/ shar rgyal mkhar rtse'i bdag po/ chu 'dus sde pa sgrol snyon du grags pa sogs mang du byung zhing / rje 'dis 'chad nyan mdzad nas phrin las bskyangs na bstan 'gro la phan nam/ rtse gcig tu sgrub pa byas na legs thugs dam brtag par mdzad pas 'chad nyan dang phrin las bskyangs pa lung bstan gzigs te/ de skad du/ dbon po a tsa ra zhes kyang bya/ dbon po nam mkha' blo gsal zhes kyang bya/ ma ti tsi tra zhes kyang bya/ gu ge paN chen zhes kyang bya ba mtshan gyi rnam grangs du ma dang ldan pa de'i bstod pa mdzad pa las/ mdor na khyod kyis