[A:538]nas ma phyi btsal nas tshang bar bzhengs/ rgyas par rjes mdzad pa'i bka' 'gyur dkar chag tu blta/ dkyil khang du bka' 'gyur lha khang sbyong rgyud dkyil 'khor bcu gnyis sogs logs ris la bzhengs/ steng chen 'dul grwar chos sde btsugs/ gtsug lag khang bzhengs/ dge 'dun brgya phrag la rgyun gyi 'tsho ba btsugs/ 'dul ba dang byang chub sems dpa'i sde snod kyi bshad pa gtso bor mdzad/ brag dkar gyi chos sde theg chen dar rgyas gling btab cing lha khang gi gzhi bting / rab byung bsnyen rdzogs grangs mang po la sogs pa lam thun mong ba'i sgo nas gdul bya mang po sangs rgyas kyi bstan pa la bkod/ bstan pa'i sbyin bdag a me dpal yang rab tu byung ste mtshan bzang po rgyal mtshan du btags/ khong rab byung ma mdzad gong gi sras chos rgyal a mgon bzang po/ de'i sras tshangs pa bkra shis mgon dang glo bo mkhan chen sogs yin no/ /lan bar ma phebs dus ni 'brug lo ste de dus kyang mus chen ngor du spyan drangs/ lam 'bras sogs gsungs/ rje nyid kyis glo bor byon/ phreng ba'i dbang dang zur bka' 'ga' zhig /sa skya bka' 'bum gyi lung / sbyong rgyud kyi bshad pa la sogs chos kyi 'khor lo mang du bskor zhing / sbyin bdag chen po la sogs pa mang po bsnyen par rdzogs par mdzad cing / skal pa dang ldan pa'i gdul bya 'ga' la lam 'bras kyi khrid la sogs pa thun mong ma yin pa yang gsungs/ sbyin bdag chen po la kye rdor gyi mngon rtogs khyad 'phags zhig mdzad nas gnang 'dug ste bka' 'bum du ma tshud yod do/ sngar gyi bka' 'gyur bzhengs pa'i zhal da yang mdzad/ gser rkyang gis bka' 'gyur gyi dbu btsugs/ rnam rgyal chos sde gso ba sogs mdzad/ gzhan yang dge sbyong chen pos cho 'phrul zla bar sgrub mchod btsugs pa'i bdag rkyen/ sa dkar nas zhing khal brgya'i sa dang / rbad mang po btsugs