[A:555]bde ba rang cig byung gsungs/ phyis gsol cung bder song ba yin na'ang / sku gzugs kyi shed la phan pa'i gsol ni mi bzhed par 'dug cing / zhib spol nyung zad re dang / la phug bzhin cung zad re ma gtogs bzhes pa mi 'ongs cig 'dug /de'i stobs kyis dang po nas sku lus la shed med pa cig gda' na'ang / sku lus kyi 'tsho skyong mi mdzad par/ sku srog grwa pa chos don gnyer yod pa'i snyom chung rnams dang bstan pa'i don du blos gtong ba mdzad nas chos 'chad pa dang / dbang bskur ba dang / rab byung bsnyen rdzogs la sogs pa gang mdzad kyang las slar ma shor ba dang / bsre bslad du ma song ba mdzad do/ /dgun grang ba'i dus yin na'ang dbang zhu mkhan rnams gos mang pos gtums nas 'dug kyang / grang ba'i snang ba chen po 'ong ba la/ rje'i zhal snga nas gzan chos sbrags ma'i thang rkyang re la dbang bskur ba dang / dbang rdzas 'grim pa mdzad pas sku lus la shin tu gzan par 'dug cing / dbang grol ba'i tshe gsol ja tsam re yang bzhes rgyu med par/ dbang zhu mkhan rnams rang sar gyes 'gro ba dang / chos rje rin po che gzims khang du byon 'gro ba mnyam po byed dgos pa yun ring po byung ba dang / dus phyis sku bgres nas dgung lo mthon por phebs kyang / rgyu dus kyi dbang bskur zla re tsam sprel nas/ dge 'dun brgya phrag mang po la mdzad dgos byung bas/ sku lus la bab shin tu che yang / phyag len sla chos su ma song bar mdzad de/ sta gon gyi dpung skud 'ching ba tsam yang bzhengs nas mdzad pa sku lus kyis mi lcogs par/ dbang mi'i sngon du bzhugs nas mdzad dgos pa yang lo du ma mdzad cing / de ltar sku lus la shed cung zad med kyang / gsung chos 'chad pa dang / dbang bskur la sogs pa sku lus gso thabs med pa'i 'or du ma lhung gi bar du cung zad tsam bzhugs pa yang thugs kyis ma bzod par mdzad pas/ sku gzugs kyis