[A:554]te bris pa 'di ni rje rin po che la mi phyed pa'i dad pa dang ldan pa'i bshes gnyen du mas lan mang du bskul ba la brten nas slob 'bangs kyi tha chungs su gyur pa bya bral ba dkon mchog rgyal mtshan gyis mtshungs med rje btsun dam pa dgung lo bdun cu don bzhi pa'i steng na bzhugs pa/ shing mo phag gi lo tha skar gyi zla ba'i yar tshes bcu gsum la bas mtha'i ri khrod yang dben bsam gtan phug tu sbyar ba 'dis sems can thams cad kyi rgyud la bla ma'i byin rlabs 'jug par gyur cig /ces rje btsun mus pa shing phag yan gyi rnam thar mdzad pa'i sbyar byang ngo / /'di yan gyi rnam thar gu ge paN chen gyis kyang khong rang gis lo bcu bdun bsten cing mchod g.yog dang go re len bgyis pa dang / gzhan snga phyi'i mdzad pa mang po rje rin po che lo bco lnga'i bar brten pa'i bla ma dpal ldan pa dang / rgyal tshab chos rje kun dbang pa sogs kyi gsung sgros bzhin bkod pa yin gsungs so/ /de ltar rje mus pa dang / paN chen gyi rnam thar gnyis cung zad zhib par snang bas khungs bcad pa'o/ /de ltar dgung lo dgu pa la bshad gsar mdzad pa sogs dang / khyad par dgung lo bco brgyad pa nas/ dgung lo bdun cu don lnga'i bar du bstan pa'i bya ba bshad sgrub sogs rnam par dkar ba'i phrin las 'ba' zhig gis nyin mtshan khor yug tu dus 'da' bar mdzad cing / de la yang dgung lo dgu pa la rab tu byung ba nas rtag par gdan gcig rdor dkar kho na la brten te ngang tshugs dam par mdzad pas/ sku las shin tu nyam chung zhing / khyad par dgung lo nyi shu rtsa lnga pa'i tshe/ chos rje ye shes rgyal mtshan pa bsnyung ba dang / bde bar gshegs nas dang por bde bar ma gshegs par bsnyung g.yog dang / bde bar gshegs nas phyis thugs dgongs rdzogs pa'i thabs yongs su rdzogs pa'i bar la gdan gcig gi gsol ba de yang ji lta ba bzhin ma byung bas lto rub pa bzhin song ba yin pa 'dra/ dong ga ye mi