[A:557]bsnyung gzhi cher ma mchis zhus pas/ de khyod kyis mi phan/ a me dpal bzang pos drung nas bsnyung gzhi byung na/ 'di nas lha rje mkhas pa cis kyang 'bod par zhu zer ba'i zhu ba byed kyin 'dug pas/ de'i bsam pa rdzogs pa'i ched yin gsung / gsol dang 'byed pa'i sman re tsam lam bsnyung gzhi 'di yin mi 'dug pas/ sman dpyad gzhan gang yang ma byas/ nag pa'i nyer bzhi'i dus/ da ngas chos 'chad nyan 'ong ba dka' bas/ sa gtsang ma la sa phag thob/ mchod rten byed dgos pa yin gsungs/ nag pa zla ba la mchod gtor yang yang bshams nas nyin re la lan gsum tsam mdzad/ slob dpon dkon rgyal gdan drongs/ zla ba gcig la 'khor ba gyis gsungs/ khong pa mus su bzhugs pa la gdan 'dren btang / de'i bar du bdag chen chu mig pa rin po che sogs der bzhugs kyi bu slob drag pa so so la zhal da/ gnang sbyin chos 'phro rnams tshang mar mdzad/ gzhi thog pa/ shar pa/ glo bo sogs la phyag rtags/ sku drung na yod pa rnams la/ sngon gyi lo rgyus dang 'phros gtam gyi tshul gyis/ gshegs rjes sku gdung gi zhabs tog bsgrub lugs/ dgongs pa rdzogs par byed pa'i thabs dang / nang rten dang phyi rten bde gshegs mchod rten bzhengs pa dang / bzhengs lugs la sogs pa dang / gdung rus gdung thal dang bcas pa cung zad kyang ma 'khyar ba sAtstsha thebs pa gyis/ gzhan la skyid sdug byung tsa na/ zong gtong ba la sogs pa 'ong gi 'dug ste rang res de 'dra'i phyogs su ras kha gang yang gtong ma myong ba dang / yon bdag grwa pa dang bcas pa'i skor yang sngar gyi tshos chog pa yod pas/ da mchod spong dang zong cha len pa la sogs pa yang ma byed ces dang / dkar me'i rgyu la dngul dam lnga la sogs pa so sor dmigs mdzad cing / rab tu byung ba 'das pa'i rjes su