[A:564]nyer bzhi'i snga skad sku gdung la zhugs phul ba'i tshe nam mkha' la 'ja' dang me tog gi char bsam gyis mi khyab pa babs shing / de man chad kyang me tog gi char rgyun mi chad par babs so/ /sa ga zla ba'i tshes gcig la gdung khang zhal phye ba'i tshe/ gdung rus la ring bsrel dkar po dang / ser po la sogs pa kha dog sna tshogs pa rab tu mang po grangs med pa byon zhing / bye brag tu phyag sor gyi tshigs gcig dang / tshems 'og ma'i rtsa ba rnams su ring bsrel grangs med du byung ba rnams/ gos dar gyi na bza' bzang po dang / dri bzang dang bcas te/ rje'i sku 'dra dang ston pa'i gser sku'i nang du bzhugs so/ /gdung rus lhag ma gdung thal dang bcas pa rnams zhal da'i lugs bzhin cung zad tsam yang ma 'thor bar gdung tsha khri tsho bdun mi chad par bzhengs so/ /gdung tsha chung ba zhabs la rdo rje rgyal gram dang bcas pa khri tsho phyed bzhi tsam btab pa na bza' gser gsol te/ bu slob rnams la phyogs su byin rlabs kyi rten la yang 'bul ba'i lugs su byas/ gdung tsha lhag ma rnams gtsang khang gi nang du mchod rten gser 'bum cig bzhengs te de'i nang du bzhugs su gsol lo/ /grwa pa 'ga' re'i gdung tsha'i skal ba la ring bsrel byon pa yang snang ngo / /de ltar gsol ba 'debs pa nas brtsams te/ gser 'bum gyi bar du bzhengs pa la bar chad kyi rnam pa cung zad kyang med par legs par mthar phyin pa 'di ni chos rje rin po che nyid kyi byin rlabs dang / thugs rje las yin par kun gyis mthun snang du grub bo/ /mdor na bstan pa ji srid gnas kyi bar du lo re bzhin sa ga zla ba'i nyer lngar bstun pa'i ngor lugs dkyil 'khor lnga'i sgrub mchod rdul tshon ma zhag bdun dang zla ba re bzhin nyer lnga'i dus ja sogs kun la gsal ba nyid do/ /rgyal tshab mus pa chen pos rnam thar gyi mdzad byang smos pa ni zhes pa snyigs dus rdo rje 'chang chen po chos kyi rje kun dga' bzang