[A:563]pa mdzad pa dang / mthongs ka na 'od skya gsal ba cig byung / de ma khad ltar phyin pas mya ngan las 'das zin 'dug ces zer te/ bum dbang gi 'od kyi gong bu'i 'da' ka ma mdzad pa yin te/ 'di ni glo bo'i lha rjes mthong ba'o/ /de ltar bde bar gshegs pa'i tshul bstan nas/ de'i shangs bug g.yon nas byang chub kyi sems mang du byung la/ de yang gdams ngag zab mo yod pa'i dbang las te/ bde mchog gi gzhung du/ chos kyi sku la chos skur ngo shes pa 'chi kha nyid du phyag rgya chen po mchog gi dngos grub thob nas rnam shes spyi gtsug tu song ste/ longs spyod rdzogs pa'i sku'i zhing khams su 'gro bar 'gyur ro zhes gsungs so/ /de'i rtags pa'i khu ba'i thig le sna bug g.yon na mar 'byung ngo / /sku gshegs rjes nyi shu drug gi nyin pur gyi zhabs tog pa rnams kyis gsang ba'i gnas bltar mi mngon par gyur to/ /de rjes gong gi zhal da gzhir bzhag ste/ gdan sa pas chos gsungs/ gshegs rdzogs byed pa la mchod spong len pa la sogs pa ma byed gsungs pa yin zhes dril bsgrags/ phyag rdzas gang yod kyi steng nas gsol 'debs la sogs pa'i thugs dgongs rdzogs pa'i thabs dang / gdan sa chen po dang / gsang phu dang / nA lendra la sogs par mang ja 'gyed dang bcas pa rnams thugs kyi dgongs pa bzhin legs par bsgrubs shing / nang rten ston pa'i gser sku chen mo rgyar mtho bcu gsum byas pa/ rje nyid kyi sku tshad kyi 'dra 'bag gser skur bsgrub pa/ phyi rten bde gshegs mchod rten brgyad gdugs tog dang / bcas pa zangs gser las sgrub pa sogs dbu btsugs te/ lo gcig na bar chad med par legs par mthar phyin pa dang sku gdung me mo glang gi nag pa'i nyer bzhi'i bar du mchod pa'i dngos po bsam gyis mi khyab pa dang / bcom ldan 'das kye rdo rje'i sgrub mchod rgyun ma chad par phul nas