[A:566]pa'o// //spyi don gnyis pa 'phros pa'i don ni/ de lta bu'i 'dren pa mchog de'i phrin las kyi rgyun gyi gtso bo dpal e waM chos ldan de 'dzin gyi skyes chen dam pa rnams kyi rtogs pa brjod pa ste/ spyir e waM gyi don la zhib tu dpyad na mtha' yas shing / 'dir mdo tsam brjod na/ e waM 'di spyir mdo dang / bye brag sngags las bshad pa'o/ /dang po ni/ rgya gar 'phags pa'i yul na e waM zhes brjod pa dang / de bod skad du bsgyur na/ 'di skad ces gleng gzhi de las 'phros pa'i 'di skad bdag gis thos pa zhes pas/ chos kyi phung po brgyad khri bzhi stong gi sgo yin la/ de la sgo'i tha snyad ji ltar zhe na/ ston pa sangs rgyas kyis 'khor dgra bcom pa rnams la nga nyid mya ngan las 'das pa'i rjes su/ nga'i bka' rnams bsdus la thog mar 'di skad bdag gis thos pa zhes pa dang / bar du mtshams sbyor/ mjug tu yi rang dang mngon par bstod ces gyis la bstan pa bsdus shig ces gsungs pa rjes su gnang ba'i bka' yin zhing / gzhan yang sangs rgyas kyi gsung rnams e waM du 'dus shing / de'i rgyu mtshan yang / A li e shes rab dang / kA li waM thabs kyi rang bzhin/ dbyangs gsal 'di rnams las yi ge 'byung / de las ming 'byung / ming las tshig 'byung / tshigs las ngag 'byung / ngag las rab tu byed pa sogs 'byung ba yin te/ lha'i bus zhus pa'i theg pa chen po'i mdo las/ chos kyi phung po brgyad khri dang / /bzhi stong gi ni grangs snyed kyang / /kun gyi gzhi dang pha ma ni/ /yi ge gnyis su de rab bstan/ yi ge e ni mar gyur pa/ /waM ni pha zhes bya bar grags/ /thig le dang ni sbyor ba ste/ /spyod dang shin tu rmad byung ba'o/ /zhes so/ /gnyis pa ni brjod pa sgra'i e waM dang / bris pa gzugs kyi e waM dang / mtshon pa brda'i e waM dang / gnas lugs don gyi e waM dang bzhi yod pa las/ dang po brjod pa