[A:623]med pa tshogs pa rnams la dbang / rgyud/ man ngag /lung la sogs pa'i sgo nas rang rang gi skal ba dang 'tsham par smin grol la bkod par mdzad de/ glang lo'i dpyid zhing 'di'i gzhan don rdzogs pas thugs rangs te/ zhing gzhan du gshegs par bzhed nas/ gsung ngag rdzogs pa'i rjes su 'di la lam 'bras kyi rjes ma gyis gsungs/ de'i dbyar kha nas sku mtshams la bzhugs par bzhed na yang / chos rje glang thang pa phebs pas slar yang gsung ngag tshar gcig gnang bar mdzad do/ /gsung ngag ma rdzogs pa'i gong tsam du bzhi sde mkhan chen pas gtso mdzad rnams la nag po rim bzhi gnang ste/ chos 'phro rnams rdzogs nas zla ba dgu pa'i tshes nyi shu la chos rje glang thang pa dpon slob rnams ngor du thegs/ de rjes bdag chen blo gros dbang phyug pa bzhugs par bzhed nas zhu ba nan gyis phul la/ rje'i zhal nas nged da lo lung phug ya gi de nar 'chi ru 'gro ba yin/ nga shi ba'i rjes su grwa bu slob kyi 'du 'tshogs dang mchod bsngo la sogs pa 'jig rten gyi brda chad mang po dang / de dag gi mgo ma la slob ma'i drag shos sa skya 'khon gyi gdung brgyud bzhugs zhes pa'i gtam 'di la zhe 'dod dang po nas med pa yin pas cis kyang byon mdzod ces pa'i zhal da nan gyis gnang bas/ bdag chen pas kyang bla ma'i thugs dgongs dang bstun par mdzad de nyi shu drug la bteg par mdzad do/ /de nas smin drug zla ba snga ma'i tshes gsum gyi bar zhag bdun la/ la stod lho byang sogs nas rab byung bsnyen rdzogs sogs don du gnyer ba mang du byung ba rnams la sku gzugs kyis gang lcogs mdzad nas/ tshes gsum gyi nyin bsam gtan phug la bteg ste dben gnas su phebs nas/ ja sbyor cig gi ring la zhabs drung na gnas pa rnams la zhal da mang du gnang nas/ dang po nas nged kyi bsam pa la/ mi med kyi lung stong zhig tu 'chi sa byed dgos snyam pa