[A:624]yod pa de 'grub byung / da lta shi yang sems la 'phreng ba gcig kyang med/ sngar byas pa'i las la 'gyod pa yang med/ 'di bya dgos snyam pa ma grub pa yang med/ mi yul du sdod yun yang ring po yin/ gzhan la 'di bya 'di gyis kyi bkod pa yang pho lo brgyad cu gya gsum pa zhig gis mi 'ong gsungs nas thugs spros pa bcad par mdzad/ nga'i gan du dkon bzang gcig pu sdod/ gzhan su yang ma sdod gsungs pa la khong rnams kyis gung thun ran 'dug pas thog mar gung thun cig mdzad nas de rjes gsol ja zhig mdzad dam zhus pas yud pa cig khyom tsho gyis de nas khyed rang thams cad song / da nyin mtshan khor yug tu dge sbyor du 'gro ba cig byed pa ma gtogs pa thun gyi nges pa mi 'ong gsungs/ de nas bzung ste zla ba de'i nang du thugs dam la rtse gcig tuu bzhugs/ tshes brgyad kyi bar du zhabs bskor sogs kyang mang du mdzad/ de nas sku shed cung zad chung du song nas gling khar sku rim nyi ma gsum tsam bsgrubs te/ sngar sku rim yang 'di 'dra bsgrub yod/ da dung sku rim 'dra sgrub/ lha rje cig la yang bstan na drag gam zhus 'dug pas/ rim gro byas pa khyed rang rnams la phan pas byas pas 'ong / nga la ni dbus gtsang gi btsun pa thams cad 'dus nas rim gro byas/ sman pa thams cad 'dus nas sman byas kyang / da lo sdod pa med gsungs nas ma gnang / ltas ci 'dra byung zhus pas khar sing dbyar kha nas gling kha'i ri 'di rtag tu smugs pa'i rang bzhin du 'char ba cig byung / de sa chu la thim pa'i rtags yin gsungs par 'dug /zla ba de'i mjug tu zhag bdun tsam cig skom dad che nas gsol ja mang du bzhes dgos pa cig byung ba de chu me la thim pa'i rtags yin gsung zhing / rtags phyi ma gnyis la 'di yin mi gsung / de nas smin drug zla ba rting ma'i tshes gnyis kyi nub mo/ nyi ma brgal tsam gyi gong nas sku chos dang/ sku shamsku thabs phud nas bzhag pas/ de'i nub mo mnal lam du nam mkhar