[A:625]sangs rgyas 'khor dang bcas pa bzhugs 'dug pa cung zad mi dgyes pa'i rnam pa can du 'dug /mdang dgong chos gos dang sham thabs bzhag sngas pas lan pa 'dra gsungs/ de nas mkhan chen kun blo pa sku mdun du sdod pas chog pa'i zhu ba nan gyis phul bas gnang nas tshes bzhi'i nyin par mjal ba'i tshe/ de'i nyin sku khams bde nas zhal da mang du gnang / nged la bla ma du ma yod pa'i nang nas chos rje rin po che kun dga' bzang po pa de shin tu sku drin che ba cig byung / de'i rgyu mtshan bod du rdo rje theg pa'i lam srol la bla ma gong ma nas brgyud pa'i lam srol 'di dang / mar pa nas brgyud pa'i rngog gzhung gi bka' srol dang / shangs pa nas brgyud pa'i ni gu sogs kyi bka' srol dang / bu ston rin po che nas brgyud pa'i yo ga'i bka' srol sogs mang du yod kyang / dus phyis chos rje ri bo dge ldan pas/ gsang sngags kyi bka' srol la grub mtha' gsar pa rkang btsugs nas bshad nyan gyis gtan la phabs par mdzad/ de sngar gyi bka' srol de dag gang dang yang mi mthun pa 'dug kyang / dbus gtsang gi dge ba'i bshes gnyen phal cher de la dad pa cig byung / de la chos rje rin po ches grub mtha' snga phyi'i gnad gzigs nas dgag sgrub mang du mdzad/ bla ma gong ma'i bka' srol gyi rkang btsugs te de'i rjes su zhugs pas chog pa cig byung ba yin/ lam 'di nged rang gi rtsol bas byung na tshe gcig lus gcig la mchog gi dngos grub sgrub nus pa'i lam du 'dug /nged rang gi slob ma rnams kyis kyang bshad nyan la sogs pa'i rtsol bas bka' srol 'di spel ba'i thabs la 'bad dgos pa 'dug /bla ma gong ma'i gsung rab 'di'i steng du rtogs pa gzhan dang mi 'dra ba zhig nga la yod pa yin/ bstan pa'i rgyun la phan du re nas bskyed rim gyi grub mtha'i shan 'byed 'di yang brtsams pa yin/ nged rang yang chos rje rin po che'i dus tha ma'i bka' lung dang du blangs nas bshad nyan byas pas sa skya pa'i bstan pa la phan po byung / bshad nyan ma dgos par nged rang 'dod pa ltar gyi sgrub pa zhig byed rgyu byung na lus 'di ma