[A:༨ན] ཡབ་ལ་དྲིའི་ཟེར་ནས་དྲིས་པས། སློབ་དཔོན་ཀླུའི་ཡུལ་དུ་བྱོན་ན་འབུལ་ཟེར་བས། ཞལ་གྱིས་བཞེས་ནས་ཀླུའི་ཡུལ་དུ་བྱོན། ཀླུའི་ཁབ་སྒོ་ན་བཞུགས་པ་དང། ཀླུའི་རྒྱལ་པོ་ན་རེ། དུག་གིས་མི་ཚུགས་ན་ནང་དུ་བྱོན་ཟེར་བས་བྱོན། ཀླུའི་རྒྱལ་པོ་འཁོར་དང་བཅས་པ་ལ་ཆོས་བསྟན། བསོད་སྙོམས་བཞེས་སོ། དེའི་ཚེ་ཀླུ་རྣམས་ཀྱིས་བཞུགས་པར་ཞུས་པས་ང་མཆོད་རྟེན་བྱེ་བ་བཞེངས་པའི་འདམ་ཚོལ་བ་དང། འབུམ་གདན་འདྲེན་དུ་འོངས་ཀྱི་བསྡད་མི་ཁོམ། ཕྱིས་འོང་བ་སྲིད་གསུངས་ཏེ། འདམ་མང་པོ་དང། འབུམ་དང། ཡི་གེ་ཉུང་ངུ་ཡང་གདན་དྲངས་ཏེ། འབུམ་གྱི་ཞབས་ནས་བག་ཙམ་ཀླུས་མ་བསྐུར་ཞེས་གྲག་གོ་གྲགས་སོ། དེ་ནས་འདམ་དེས་འཛམ་བུའི་གླིང་དུ་མཆོད་རྟེན་བྱེ་བ་ལ་སོགས་པ་བཞེངས། ཀླུ་རྣམས་ཀྱིས་གྲོགས་བྱས་ཏེ་ཕལ་ཆེར་གྲུབ་ལ། འགའ་ཞིག་ཀླུའི་ཡུལ་དུ་མི་འགྲོ་བའི་ཕྱིར་མ་བྱས་ཏེ། དེ་ནས་ཀླུ་སྒྲུབ་ཅེས་མཚན་དུ་གྲགས་སོ། ནཱ་གཱསྗུ་ནའི་ནཱ་ག་ནི་ཀླུ་སྟེ། ཆོས་དབྱིངས་སུ་སྐྱེས་པ་རྟག་ཆད་གཉིས་ཀྱི་མཐའ་ལ་མི་གནས་པ། གསུང་རབ་རིན་པོ་ཆེའི་བང་མཛོད་ལ་མངའ་བརྙེས་པ། སྲེག་ཅིང་གསལ་བའི་ལྟ་བ་དང་ལྡན་པས་ཀླུའོ། ཨསྗུ་ན་ནི། སྲིད་སྒྲུབ་སྟེ། ཆོས་ཀྱིས་རྒྱལ་སྲིད་སྐྱོང་བ་དང། ཉོན་མོངས་པའི་དགྲ་ཚོགས་འདུལ་བས་སྲིད་སྒྲུབ་སྟེ། ཀླུ་སྒྲུབ་བོ། ཚིག་གསལ་དུ། གང་ཞིག་མཐའ་གཉིས་གནས་ལ་གནས་གསལ་ཞིང། རྫོགས་སངས་རྒྱས་བློ་རྒྱ་མཚོ་སྐྱེ་བ་བརྙེས། དམ་ཆོས་མཛོད་གྱི་ཟབ་མོ་ཉིད་ཇི་ལྟར། རྗེས་སུ་རྟོགས་བཞིན་ཐུགས་རྗེས་སྟོན་པར་མཛད། གང་གི་ལྟ་བའི་མེ་དག་གིས། ད་དུང་ཕས་རྒོལ་
གཞུང་
ལུགས་ཀྱི། བུད་ཤིང་དང་ནི་འཇིག་རྟེན་གྱི། ཡིད་ཀྱི་