[A:༡༢ན] གཙུག་ཏོར་རྣམ་རྒྱལ་ཐོན། ཕྱི་མ་ལ་མཇལ་གསུངས་བས། གཅེན་ལ་ལྷག་པར་དད་དེ། རྗེ་བཙུན་གྱི་གསུང་བསྒྲུབ་པ་དང། འབུམ་སྡེ་གོ་དགུའི་ཚིག་དོན་ཐུགས་ལ་མངའ་བས། བཀའ་དང་པོའི་དགོངས་པ་འགྲེལ་བ་མཛོད་རྩ་འགྲེལ། བར་པ་སེམས་ཙམ་དུ་འགྲེལ་བ་ཡུམ་གྱི་གཞུང་འགྲེལ། ཐ་མ་ངེས་དོན་དུ་བཤད་པ་རབ་ཏུ་བྱེད་པ་སྡེ་བརྒྱད་དང། གཞན་ཡང་ས་བཅུ་པའི་མདོ་ལ་སོགས་པའི་འགྲེལ་པ་མང་དུ་བརྩམས་ཏེ་བསྟན་པ་གསལ་བར་མཛད་དོ། དེའི་སློབ་མ་རང་བས་མཁས་པར་གྲགས་པ་བཞི་བྱོན་ཏེ། མངོན་པ་རང་བས་མཁས་པ་སློབ་དཔོན་བློ་གྲོས་བརྟན་པ། ཕར་ཕྱིན་རང་བས་མཁས་པ་འཕགས་པ་རྣམ་གྲོལ་སྡེ། ཚད་མ་རང་བས་མཁས་པ་སློབ་དཔོན་ཕྱོགས་ཀྱི་གླང་པོ། འདུལ་བ་རང་བས་མཁས་པ་བྲམ་ཟེའི་བཙུན་པ་ཡོན་ཏན་འོད་དང་བཞིའོ། དེ་ལ་སློབ་དཔོན་བློ་གྲོས་བརྟན་པ་ནས། དེའི་སློབ་མ་གང་བ་སྤེལ། དེས་ཀུ་སཱ་ལི་ཆེ་བ། དེས་ཀུ་སཱ་ལི་ཆུང་བ། ཨ་ཏི་ཤ་ལ་བརྒྱུད་པ་ཡང་འདུག་
མོད་
རྒྱ་ཆེན་སྤྱོད་པའི་བཤད་སྒྲུབ་ཀྱི་མན་ངག་རྫོགས་པར་མངའ་བ་འཕགས་པ་རྣམ་གྲོལ་སྡེ་ནི། ས་དང་པོ་རབ་ཏུ་དགའ་བའི་རྟོགས་པ་བརྙེས། སངས་རྒྱས་ལ་ཆོས་དངོས་སུ་གསན མངོན་རྟོགས་རྒྱན་གྱི་འགྲེལ་པ་ཉི་ཁྲི་སྣང་བ་ལ་སོགས་པ་མཛད་དོ། དེའི་སློབ་མ་བཙུན་པ་རྣམ་གྲོལ་སྡེ་ནི། རིག་པའི་གནས་མཐའ་དག་ལ་མཁས་པ། སངས་རྒྱས་ལ་ཆོས་གསན་ཅིང། ཐེག་པ་ཆེན་པོ་སྦྱོར་ལམ་གྱི་རྟོགས་པ་བརྙེས་སོ། དེའི་སློབ་མ་མཆོག་གེ་སྡེ། དེའི་སློབ་མ་དུལ་འདལ་བའི་སྡེ། དེའི་སློབ་མ་གྲགས་པའི་དཔལ་དང། མཁན་པོ་རྣམ་སྣང་མཛད། མཁན་ཆེན་ཞི་བ་འཚོ་གསུམ་དོན་གཅིག་མཚན་གྱི་རྣམ་གྲངས་ཡིན་གསུངས། འདི་ཟ་ཧོར་རྒྱལ་པོའི་སྲས་སུ་སྐུ་འཁྲུངས། ཡོད་སྨྲའི་སྡེ་ལས་རབ་ཏུ་བྱུང་ཞིང། རིག་གནས་ལ་མཁས་པར་