[A:12a] gtsug tor rnam rgyal thon/ phyi ma la mjal gsungs bas/ gcen la lhag par dad de/ rje btsun gyi gsung bsgrub pa dang/ 'bum sde go dgu'i tshig don thugs la mnga' bas/ bka' dang po'i dgongs pa 'grel ba mdzod rtsa 'grel/ bar pa sems tsam du 'grel ba yum gyi gzhung 'grel/ tha ma nges don du bshad pa rab tu byed pa sde brgyad dang/ gzhan yang sa bcu pa'i mdo la sogs pa'i 'grel pa mang du brtsams te bstan pa gsal bar mdzad do/ de'i slob ma rang bas mkhas par grags pa bzhi byon te/ mngon pa rang bas mkhas pa slob dpon blo gros brtan pa/ phar phyin rang bas mkhas pa 'phags pa rnam grol sde/ tshad ma rang bas mkhas pa slob dpon phyogs kyi glang po/ 'dul ba rang bas mkhas pa bram ze'i btsun pa yon tan 'od dang bzhi'o/ de la slob dpon blo gros brtan pa nas/ de'i slob ma gang ba spel/ des ku sA li che ba/ des ku sA li chung ba/ a ti sha la brgyud pa yang 'dug
mod
rgya chen spyod pa'i bshad sgrub kyi man ngag rdzogs par mnga' ba 'phags pa rnam grol sde ni/ sa dang po rab tu dga' ba'i rtogs pa brnyes/ sangs rgyas la chos dngos su gsan mngon rtogs rgyan gyi 'grel pa nyi khri snang ba la sogs pa mdzad do/ de'i slob ma btsun pa rnam grol sde ni/ rig pa'i gnas mtha' dag la mkhas pa/ sangs rgyas la chos gsan cing/ theg pa chen po sbyor lam gyi rtogs pa brnyes so/ de'i slob ma mchog ge sde/ de'i slob ma dul 'dal ba'i sde/ de'i slob ma grags pa'i dpal dang/ mkhan po rnam snang mdzad/ mkhan chen zhi ba 'tsho gsum don gcig mtshan gyi rnam grangs yin gsungs/ 'di za hor rgyal po'i sras su sku 'khrungs/ yod smra'i sde las rab tu byung zhing/ rig gnas la mkhas par