[A:༣༨ན] ཆོས་རྒྱལ་བོད་དུ་ཆོས་གྲྭ་འཛུགས་པ་ལ། གསེར་སྲང་སུམ་བརྒྱ་ཤིག་ཞིག་འདེགས་སུ་འབུལ། སླད་མ་སངས་རྒྱས་བསྟན་པ་དར་བ་དང། ཨ་ཏི་ཤ་ཡང་ཕྱོགས་འདིར་ཡུན་རིང་ཞིང། བདག་ཀྱང་འཕྲེང་བས་ཡུན་དུ་འགྲོགས་པར་ཞུ། ཞེས་ཞུས་ཏེ་རྒྱལ་པོ་པཎྜི་ཏ་གསུམ་དང་བཅས་པ་བལ་པོར་བྱོན། དེ་ནས་ཨ་ཏི་ཤ་དཔོན་སློབ་ལྷ་བཙུན་པས་དབུ་བགྱིས་བསུ་བའི་རྟ་བ་དགུ་བརྒྱའི་འཁོར་དང། རག་དུང་ཡང་ལྷ་བཙུན་པའི་ཐུགས་ཤེས་ཀྱིས་མཛད་དེ། ལོ་པཎ་སྤྱེན་སྤྱན་འདྲེན་གྱི་རྒྱུད་བྱ་བར་གྲགས་གསུང་སྟེ། དེ་ལ་སོགས་པ་རོལ་མོའི་ཚོགས་དང་བཅས་ཏེ། རྒྱལ་པོའི་ཕོ་བྲང་དུ་སྤྱན་དྲངས་བསྙེན་བཀུར་ཏེ། བོད་འདིར་ཆོས་ཟབ་ཟབ་པོ་ལས་ཀྱང་ཐོག་མར་ལས་རྒྱུ་འབྲས་ལ་བརྟེན་པའི་ཆོས་ཀྱིས་བསྐྱང་བར་ཞུ་ཞུས་པས། ཇོ་བོའི་ཞལ་ནས། ཆོས་ཀྱི་གནད་གོ་བའི་གཏམ་ཡིན། ནན་ལྟར་ཟབ་པ་ལས་རྒྱུ་འབྲས་ཁོ་ན་ཡིན། ཡི་དམ་གྱི་ལྷ་ཞལ་མཐོང་བ་བས། ལས་རྒྱུ་འབྲས་ལ་ཡིད་ཆེས་ན་དེ་ཉིད་མཆོག་ཏུ་གྱུར་པ་ཡིན་ཏེ། གཤིན་རྗེ་གཤེད་ཀྱི་རྣལ་འབྱོར་པ་དང་། བི་ཀྲ་མའི་གནས་བརྟན་གྱི་ལོ་བརྒྱུས་རྒྱུས་གསུངས་ནས་དེ་ལྟར་མཛད་པས། མངའ་རིས་སུ་པཎྜི་ཏ་རྒྱུ་འབྲས་པར་གྲགས་ཏེ། ཞི་བོའི་མིང་ཙམ་གྱིས་ཀྱང་བསྟན་པ་ལ་ཕན་པར་བྱས་གསུང་ནས་མཉེས། དེའི་དུས་བོད་དབུས་གཙང་གི་མཁས་པ་ཕལ་ཆེ་བ་དེར་འཚོགས་ཏེ། ལྟ་བའི་གནད་ལ་སོགས་པ་བསྟན་པ་རིན་པོ་ཆེ་ལས་བརྩམས་པའི་དྲི་བ་ཡང་དུ་ཞུས་པས། རང་རང་གི་ཐེ་ཚོམ་གྱི་དྲ་བ་ཆོད་པར་མཛད་དོ། དེ་ནས་ལོ་ཙཱ་བ་ནག་ཚོས། ད་ནི་ཇོ་བོ་
བོད་དུ་
ལོ་གཅིག་ལས་མི་བཞུགས་པའི་ཆད་པོ་ཡོད་པས། ཆོས་ཞུ་བ་རྣམས་ཞུས་ཤིག་ཅེས་ལྷ་བཙུན་པ་སོགས་ལ་བསྐུལ་བས། ཇོ་བོ་ལ་ལྷ་བཙུན་པས་གསེར་སྲང་སུམ་བརྒྱའི་མེ་ཏོག་དང་བཅས་ཏེ། བོད་ཀྱི་ཡུལ་