[A:༣༩ན] ཡིན་པར་ཤེས། རྨིི་ལྟས་ལ་སོགས་པའང་བཟང་། ཅུང་ཟད་ཅིག་བསུས་ནས་བསྙེན་བཀུར་བྱ་བ་བབ་སྙམ་དུ་སེམས་པའི་དེ་ནུབ་རྨི་ལམ་ན་མི་རེང་དཀར་པོ་ཅིག་བྱུང་ནས། ཁོ་བོ་སེམས་ཅན་གྱི་དོན་ལ་བྱས་ཡུས་ཆེ། འོན་ཀྱང་རྒྱལ་བ་སྤྱན་འདྲེན་པ་ལ་དཀའ་སྤྱད་དུ་མ་བྱས་ད་དུང་མི་ཤེས་པ་ཞུ་རྒྱུ་མང་དུ་མཆིས། ལོ་ཙཱ་བ་ཐོས་རྟགས་ཞི་ཞིང་དུལ་བ་བྱ་བ་ཡིན། རྒྱ་བོད་ཀྱི་ལོ་པཎ་ཐམས་ཅད་ཀྱི་ཡོན་ཏན་དྲིལ་ཀྱང། པཎྜི་ཏའི་གཞུང་གི་ཡོན་ཏན་མི་རྫོགས། བོད་འདི་ཀུན་མན་ངག་གི་སྣ་རྩེས་འདུལ་བ་ཡིན། མན་ངག་ཐམས་ཅད་བོད་ཀྱི་མི་ལོན་ཟེར་ནས་གཏམ་འདྲི་ལོང་མེད་པར་ཡལ་ནས་སོང། ལོ་ཙཱ་བ་གཉིད་སད་པ་དང། པཎྜི་ཏ་དེ་སྙིང་རྗེ་ཆེ་བ་ཅིག་ཡོད་པར་འདུག། སྣ་ལ་ཐུགས་རྗེ་ཆེན་པོ་འོང་བ་དེ་བཟང་སྙམ། དེ་ནས་ནང་པར་ཐག་རིང་པོ་ནས་བསུས་ཏེ། སྐུའི་སྤྱོད་པ་ལ་བལྟས་པས་ཆོག་མ་ཤེས། རིམ་གྱིས་རང་གི་ཁང་པར་སྤྱན་དྲངས་ཏེ་བསྙེན་བཀུར་བར་བཞེད་པ་ལ། པཎྜི་ཏ་དང་ཁོང་རང་སྟན་མཉམ་པ་ཙམ་བཤམས། དེ་ནས་པཎྜི་ཏས་ནང་དུ་བྱོན་པ་དང། ལྷ་ཁང་ཐོག་ན་ཐེག་པ་ཐུན་མོང་གི་ལྷ་བོད་ལུགས་སུ་བཞེངས་ནས་ཡོད་པ་ལ། ཕྱག་ལ་སོགས་པ་སཾ་སྐྲྀ་ཏའི་སྐད་ཀྱིས་ཡན་ལག་བདུན་པ་མཛད་དེ། ལྷ་རེ་ལ་བསྟོད་པ་ཚིག་བཞི་པ་རེ་མཛད་ཅིང་འདུག། དེ་བཞིན་དུ་བར་ཁང་ན་ཐེག་པ་ཆེན་པོའི་ལྷ་སྐུ་མང་པོ་ཡོད་པ་དང། སུམ་ཐོག་ན་གསྔགས་བླ་མེད་ཀྱི་ལྷ་སྐུ་མང་པོ་ཡོད་པ་ལའང་ཡན་ལག་བདུན་པ་ཕུལ་ནས་ལྷ་རེ་རེ་ལ་རང་རང་གི་རྒྱུད་དང་མཐུན་པའི་བསྟོད་པ་ཚིགས་སུ་བཅད་པ་ཚིག་བཞི་པ་རེ་མཛད་དེར་ལོ་ཙཱ་བས་སཾ་སྐྲྀ་ཏའི་སྐད་སྙན་པོ་དེ་ཐོས་པས། སྙན་ངག་ཕུལ་དུ་ཕྱིན་པ་འདུག་པ་དང། སྔར་མ་གཟིགས་པའི་ལྷ་རིགས་རྣམས་ལའང་བསྟོད་པ་མཛད་པས། ཐེག་པ་ཆེན་པོ་ལའང་དེ་འདྲ་ན་