[A:53a] mang du gsan te thos pa cher mdzad/ snye thang du jo bo la chos kyi 'brel pa zhus pas/ btig pa dang 'khrungs su byung ste/ gang la
lo bcu gcig yin zer
yang zhen chags med pa'i blo skyes gsung/ de nas ra sgreng du byon pas/ sku mched gzhan gnyis kyang byon te/ rten 'brel dang/ pha rol du phyin pa'i gdams ngag/bslab phyogs/ spyod phyogs kyi skor rnams zhus/ lo bdun bsten/ khong rang la chos zhu mang du byung yang/ sha zug bzang po rang za ba'i dus yin/ gzhan la ster ba'i dus min gsung nas sgrub pa gtso bor mdzad pas/ bdag las gzhan gces pa'i byang chub kyi sems dang/ chos thams cad bdag med par rtogs pa'i shes rab khyad par can 'khrungs/ yi dam mang po'i zhal gzigs/ nyams len byin rlabs kyi brgyud pa'i bka' gtso bor babs/ de nas sku mched gsum 'bral med du sgrub pa gtso bor mdzad cing bzhugs/ phyis yung ba'i phu chung du bzhugs nas kyang sgrub pa gtso bor mdzad de/ brag gi dkyil na gser bre yod pa mngon bar mkhyen nas phyag mkhar gyis reg pas rang bye ste/ bton pa'i rjes dang/ gzims khang gi nub na brag la phyag 'dzub gtsugs par sgrub chu dang/ zhabs rjes dang/ dbu zhwa'i rjes yin zer ba yang 'dug go 'di la slob ma grags che ba/ sha bo sgang pa dang/ 'ban tshul khrims rgyal ba sku lus ma spangs par mkha' spyod du gshegs par grags pa dang/ zhogs su 'khrungs pa sdings pa shes Rab rgya mtsho dang/ zhogs phu'i karma brag pas rgyun du bzang spyod la zhal 'don mdzad pa la/ chu len dus bde ba can gyi zhing der rab tu 'gro zhes pa'i skabs su mkha' spyod du gshegs pa sogs sgrub pa snying por mdzad pa nyi shu tsam byon no/ spyir sku mched gsum gra grwa pa la ris su chad pa med pas/ chos kyis