[A:52b] khyams smad tsong kha shAka 'byung gis bzhengs/ de rnams kyi rab tu gnas pa sangs rgyas dbon ston gyis mdzad do/ zhang 'od 'jo bo gshegs kar/ dgon pa dang gdan sa 'od 'jo la gtad kyang/ ra sgreng pa
bshags
rnams kyis ma phul bas/ sgang thang dkar bas/ thang dkar dang / ra sgreng sbrel nas lo nyi shu rtsa dgu gdan sa mdzad de/ chu pho bya la thegs/ de rjes sngar gyi 'brel pos zhang 'od 'jo ba'i slob ma dgon 'od 'jo ba yang zer/ zhogs pa chen por grags pa des gdan sa lo bcu drug mdzad/ de nas sgang thang dkar ba'i rjes la gnyis su gyes pas/ dgon gong 'og gnyis su grags par 'dug la/ phyis brgyud pas 'dzin pa 'di gnyis gong du smos pa rnams dang/ gdung rus gcig par mi 'dug cing/ dgon 'og ma ba'i brgyud pas bzung nas mkhan chen nam mkha' rgyal mtshan sogs rim pa gsum tsam song la/ dgon gong ma ba'i brgyud pa ni ma thos so/ phyis ka gnyis ma la 'byung ba'i gnod pa byung nas/ bya btang rin chen bzang po dang/ bdag gi bla ma 'jam dbyangs rin chen grags pa gnyis kyis legs par bsabs pa'i tshul thos mod 'dir ma spros so/ gnyis pa sku mched rin po che gsum byon tshul ni/ de ltar bshes gnyen ston pas ra sgreng du bka' gdams kyi chos srol rnam par dag pa gtsugs te bzhugs pa'i dus su/ 'phags pa sku mched gsum gyis byon/ tshul bzhin du bsten te yon tan rnams rdzogs par mdzad do/ de yang bshes gnyen phu chung pa ni/ rgyal gyi kyi ra'i phu chung du lcags mo lug la 'khrungs/ rus zur tshangs/ yab yum 'byor pa chung yang gser zho do bsnams nas/ rgyal lha khang du zhang chen po la rab tu byung ste/ mtshan gzhon nu rgyal mtshan du btags/ khu ston la phar phyin 'grel pa don gsal tshar bcu bco lnga dang/ 'dul mngon la sogs pa