[A:54a]ston pa'i drung du dbyar de gdams ngag gcig zhus nas/ ston khams su 'byon dgongs pa la/ sku mched gsum lhig tu thog mar lam rim dang/ spyod 'jug gsan pas/ bdag ni grol ba don gnyer la/ rnyed dang bkur stis 'ching mi dgos/ shes zhes pa'i skabs kyi man ngag gsungs pa'i thad du thugs snang 'gyur te/ tshe 'di'i rnam rtog skyur nas bshes gnyen bsten pa yin gsung/ ston pa lo bdun bsten yon tan thams cad rdzogs par thob/ thugs rab che bas shin du mnyes/ ston pa gshegs khar sku mched gsum gyi thugs la 'jigs sar skyel mas bor ba 'dra ba zhig yong bar 'dug na/ da su la brten snyam ste spyan chab byung bas/ mngon shes kyis mkhyen nas/ ngas khyed gsum gyi brten sa su yang ma mthong bas/ da phyin gsum yan/ lnga man dpung gdang 'chos la/ dge ba'i bshes gnyen mdo sde la gyis/ sems bzang por gyis dang/ khyad par can gcig dang 'phrad de 'ong cig gsung/ mdun na jo bo legs yod pas sems bzang po bya ba byang chub kyi sems la zer ba ma lags sam zhus pas/ yin mod gsung bas/ de snga nas ma go rgyu med pa la/ des gsal btab pa 'dra ba zhig byung nas/ de'i thabs lkog tu man ngag tu yang gsungs/ tshogs su lung dang sbyar nas kyang gsungs/ tha na bka' bkyon tshun chod kyis kyang/ de'i thabs gsungs nas yod pas/ lo bcu gnyis tsam du mya ngan sangs pa 'dra ba cig byung/ phyis sems bzang po byed pa la/ khong rang dgos par song bas mya ngan la sangs dus ma byung gsung/ ra sgreng nas byon te sku mched gsum dang po klu shod na mgor bzhugs/ de nas gnas nges med du sgrub pa mdzad/ thugs gting zab pas