[A:54b] yon tan 'di yod cher mi gsung yang/ byang chub kyi thugs rang 'khrungs kyi tshul du mnga'/ yi dam dpag tu med pa'i zhal gzigs/ mngon bar shes pa rgya chen po dang ldan pa'i tshul bsam gyis mi khyab bo/ gzhan phan mdzad pa'i thog mar lam sgron/ yon tan mthas par bstod pa/ bslab btus sogs gsungs pas/ gra grwa pa sum brgya tsam byung/ de nas rim gyis 'phel te gra grwa pa nyis stong tsam 'dus/ de thams cad kyang tshe 'di blos thongs pa sha stag yod par grags/ ram sding ma ba drung na bzhugs dus/ chas rkyen med pas zas gos cung zad gnang ba la/ 'di ye mi gnang bar zhu/ bdag gi blo chud zos nas/ zad dus dge bshes kyis gnang ste 'ong snyam nas/ brnab sems skye zhus pas/ khyed ma 'dzom snyam nas yi chad mi dgos/ nga gnas brtan bcu drug gi ma ba gcig yin pas/ nga dang mjal ba bsod nams che gsung/ phyis gnas brtan yan lag 'byung gi sprul par zhal gyis bzhes/ zang zing gi dngos po bre gang yang 'dzin chags mi mdzad/ phyis spo tor bzhugs nas gzims chung ka gnyis ma dpe khang du grags pa sogs la brten nas bzhugs/ gzhan phan mchog tu gyur te/ dgung lo don dgu bzhes pa shing mo bya la spo tor
tshul
zhugs zla ba'i nyer dgu la yi dam mang po zhal gzigs/ shar phyogs kyi nam mkha' la lhas rol mo dang bcas te spyan drangs pa snang ba dag pa rnams kyis mthong/ de nas phyag thal mo sbyar te/ sems can thams cad kyi gnas dang skyabs dang mgon du gyur cig gsung ste thegs/ gdung bzhu bas thugs ljags dang ring srel kha dog sna lnga mang du byon/ de nas sras chen brgyad kyis ka ba der gtsugs pa'i dbu rtse ka ba brgyad ma dang/ zhang ston shar ba pas