[A:55a] sngar gyi chos ra'i sa la khyams ka ba nyi shu rtsa lnga yod pa bzhengs so/ sngon gyi gtam brgyud la/ spo to'i sgo la sus 'dzul rgyal/ sding ma'i chu la sus 'thung rgyal/ zer ba la/ kha gcig spo to'i sgo stengs su sdings ma ba'i gzims sa mdzad pas zer kyang/ spo to ba chos gsung ba'i sgo nang du su tshud rgyal zer ba'i don yin gsung/ rgyas par don du gnyer na rnam thar che chung gnyis 'dug par blta'o/ 'di la slob ma'i mchog bka' babs brgyad la sogs pa bka' gdams gzhung pa'i srol 'dzin byon tshul 'og tu 'chad do/ grub pa'i dbang phyug chen po spyan snga pa ni/ 'khrungs yul nyan gyi snang ra sgang / gdung rus dbas/ yab shAkya rdo rje/ yum li mo ye shes sgron gyi sras su lcags mo bya la 'khrungs/ mtshan stag tshab 'bar zer/ byis pa'i dus su yum gyis dpang du khyer nas/ grong 'dul ba bya ba la phung po lnga'i rab byed gsan pas/ phung po 'di lngar 'byed tshod kyis mthar stong pa nyid du 'dug snyam du/ rang bzhin med pa'i don thugs su chud/ dgung lo bcu gnyis la gong mo sgang pa bya ba rang bzhin gyi rnal 'byor ma gcig byon/ rdzogs rim zab pa gcig gnang nas/ 'di bsgoms gsung ste mi snang bar gyur/ phyis de'i steng du sleb pa dpal ldan dgon pa bas gnang ba de min pa ma byung gsung/ bcu bco brgyad pa la stod lungs tsha thog dgon par mal shes rab sems dpa' la rab byung zhus/ mtshan tshul khrims 'bar du btags der yum gyi rmi lam du dung dkar gcig bus pas dzam 'dzam bu gling pa byin gyis thos pa gcig byung bas/ nga'i bu de rab tu byung nas grags pa yang che ba gcig 'ong bar 'dug zer/ slob gnyer mdzad dus