[A:56a] rmis te/ jo bo shes rab dbang phyug bya ba rdo rje gdan lan gsum bskor pa zhig dang zhu thug byas pas gcig par byung/ rgya gar du mi thon pa la blta bar 'dug/ de'i dam bca' ma grub pa'i sdig sbyongs su ngas sA tsha bsags na ri de'u tsam 'ong ba btab gsung/ lo bdun
lo dgu yin
tshul bzhin du bsten gzims g.yog mdzad/ rgyun du spyan sngar bzhugs pas mtshan yang de ltar du grags/ yon tan thams cad rdzogs par mdzad/ de dus ston pas theg pa chen po gasngags la 'o kol pha phad gnyis tsam yin gsung pa'i yong rdzong rnal 'byor pas zhu sna mdzad de gasngags kyi chos mang po sku mched gzhan gnyis la thugs rgyus med par klog chos su gnang bas/ yong rdzong rnal 'byor pa de nga la drin che gsung/ ston pa gshegs nas zang zing gi bgo skal med de/ chos kyi bgo skal nged gsum gyis thob gsung/ de nas jo bo'i dngos slob grags che ba rnams la bsten pa'i dam bca' mdzad de/ rnal 'byor/ dgon pa ba/ shes rab rdo rje/ phyag dar ston pa sogs dang/ gsang phu ba rngog legs she yang zla ba bcu bco brgyad bsten/ ra sgreng du zla ba rer nas bre lnga lnga la brten te sgrub pa mdzad dus rang la rigs kyi bu/ dal 'byor mi lus thob pa dran nam gsung nas/ rnal bsangs te nyin mtshan g.yel med du thugs dam mdzad pas/ rnal 'byor pa'i zhal nas/ bu khams bag re gsengs gsungs pas/ dal 'byor rnyed par dka' ba 'di bsams na/ skad cig kyang g.yel ma nus gsung/ skye rim la brtan pa thob pas rang lus mi g.yo ba'i skur gzigs/ mi g.yo ba'i bsnyen pa dung phyur dgu song/ spyan ras gzigs padma gar dbang dang/ 'jam dpal brtan pa'i 'khor lo la sogs pa zhal gzigs/ pha bong thang du glen klu'i byang chub dang mjal/ chos zhu