[A:56b] dgongs pa na mi snang bar gyur/ rang dad gus chungs chung pas yin nam dgongs te/ bdag byin brlabs kyi sgor zhugs nas gsol ba btab pas/ dngos su byon nas byin gyis brlabs/ chos bzhi tshan bzhi la sogs pa gsungs pa ni/ gnyid dang rmi lam gyi dpes/ snang ba 'di 'khrul par shes pa'i rnal 'byor/ chab dang chab rol gyi dpes/ snang stong dbyer med du shes pa'i rnal 'byor/ bu ram gyi ming gzugs kyi dpes/ snang grags kyi chos thams cad ro gcig tu shes pa'i rnal 'byor/ spyod pa pha rol du phyin pa drug la bslab gsung/ thams cad sems su rtogs pas chos thams cad la skur pa mi gdab/ sems sangs rgyas su rtogs kyang dge ba'i bshes gnyen mi spang/ rang la 'khor ba dang ngan song gi dogs pa med kyang/ sdig pa mi dge ba phra mo tsam yang spang/ rang dang sems can tha dad med par rtogs kyang/ sems can thams cad la snying rje chen po mi spang gsung/ ting nge 'dzin sems la zhog/ yang dag don la bltos/ byams dang snying rje bsgoms/ lha sku 'ja' tshon lta bur sbyongs gsung/ a skye ba med pa/ rlung mtshan ma med pa/ sems rang bzhin med pa/ re zhig lus la brten pa yin zhes sogs mang du gsungs so/ de nas sku mched gsum po so sor byon nas/ klu shod phyor ba sogs gnas
nges
med du gzhan don rgya cher mdzad/ dgung lo drug bcu la nyan du phebs/ ra sgreng btab nas lo ngo so bdun 'gro ba chu mo bya lo la/ jo bo yab sras kyis lung bstan pa'i lo'i gtsug lag khang/ gsang ba 'dus pa'i thig btab nas rmang bting/ dbu rtse khyams stod dang bcas pa/ 'gran gyi do med lnga la sogs pa bzhengs nas chu mo yos yan la 'das lo sum brgya dang go gcig song/ de'i dus glang ri thang pa nyan gyi tshan sar dpon slob stong tsam