[A:༥༦བ] དགོངས་པ་ན་མི་སྣང་བར་གྱུར། རང་དད་གུས་ཆུངས་ཆུང་པས་ཡིན་ནམ་དགོངས་ཏེ། བདག་བྱིན་བརླབས་ཀྱི་སྒོར་ཞུགས་ནས་གསོལ་བ་བཏབ་པས། དངོས་སུ་བྱོན་ནས་བྱིན་གྱིས་བརླབས། ཆོས་བཞི་ཚན་བཞི་ལ་སོགས་པ་གསུངས་པ་ནི། གཉིད་དང་རྨི་ལམ་གྱི་དཔེས། སྣང་བ་འདི་འཁྲུལ་པར་ཤེས་པའི་རྣལ་འབྱོར། ཆབ་དང་ཆབ་རོལ་གྱི་དཔེས། སྣང་སྟོང་དབྱེར་མེད་དུ་ཤེས་པའི་རྣལ་འབྱོར། བུ་རམ་གྱི་མིང་གཟུགས་ཀྱི་དཔེས། སྣང་གྲགས་ཀྱི་ཆོས་ཐམས་ཅད་རོ་གཅིག་ཏུ་ཤེས་པའི་རྣལ་འབྱོར། སྤྱོད་པ་ཕ་རོལ་དུ་ཕྱིན་པ་དྲུག་ལ་བསླབ་གསུང། ཐམས་ཅད་སེམས་སུ་རྟོགས་པས་ཆོས་ཐམས་ཅད་ལ་སྐུར་པ་མི་གདབ། སེམས་སངས་རྒྱས་སུ་རྟོགས་ཀྱང་དགེ་བའི་བཤེས་གཉེན་མི་སྤང། རང་ལ་འཁོར་བ་དང་ངན་སོང་གི་དོགས་པ་མེད་ཀྱང། སྡིག་པ་མི་དགེ་བ་ཕྲ་མོ་ཙམ་ཡང་སྤང། རང་དང་སེམས་ཅན་ཐ་དད་མེད་པར་རྟོགས་ཀྱང། སེམས་ཅན་ཐམས་ཅད་ལ་སྙིང་རྗེ་ཆེན་པོ་མི་སྤང་གསུང། ཏིང་ངེ་འཛིན་སེམས་ལ་ཞོག། ཡང་དག་དོན་ལ་བལྟོས། བྱམས་དང་སྙིང་རྗེ་བསྒོམས། ལྷ་སྐུ་འཇའ་ཚོན་ལྟ་བུར་སྦྱོངས་གསུང། ཨ་སྐྱེ་བ་མེད་པ། རླུང་མཚན་མ་མེད་པ། སེམས་རང་བཞིན་མེད་པ། རེ་ཞིག་ལུས་ལ་བརྟེན་པ་ཡིན་ཞེས་སོགས་མང་དུ་གསུངས་སོ། དེ་ནས་སྐུ་མཆེད་གསུམ་པོ་སོ་སོར་བྱོན་ནས། ཀླུ་ཤོད་ཕྱོར་བ་སོགས་གནས་
ངེས་
མེད་དུ་གཞན་དོན་རྒྱ་ཆེར་མཛད། དགུང་ལོ་དྲུག་བཅུ་ལ་ཉན་དུ་ཕེབས། ར་སྒྲེང་བཏབ་ནས་ལོ་ངོ་སོ་བདུན་འགྲོ་བ་ཆུ་མོ་བྱ་ལོ་ལ། ཇོ་བོ་ཡབ་སྲས་ཀྱིས་ལུང་བསྟན་པའི་ལོའི་གཙུག་ལག་ཁང། གསང་བ་འདུས་པའི་ཐིག་བཏབ་ནས་རྨང་བཏིང། དབུ་རྩེ་ཁྱམས་སྟོད་དང་བཅས་པ། འགྲན་གྱི་དོ་མེད་ལྔ་ལ་སོགས་པ་བཞེངས་ནས་ཆུ་མོ་ཡོས་ཡན་ལ་འདས་ལོ་སུམ་བརྒྱ་དང་གོ་གཅིག་སོང། དེའི་དུས་གླང་རི་ཐང་པ་ཉན་གྱི་ཚན་སར་དཔོན་སློབ་སྟོང་ཙམ་